जळगाव (प्रतिनिधी) अजिंठा चौफुलीजवळील एका हॉटेलमध्ये आलेल्या ग्राहकाचा मोबाइल लंपास करुन चोरटा पसार झाल्याची घटना उघडकीस आली आहे. ही घटना शनिवार दि. १८ जानेवारी रोजी संध्याकाळी पावणेसहा वाजेच्या सुमारास घडली. याप्रकरणी एमआयडीसी पोलिसात गुन्हा दाखल केला आहे
जळगाव तालुक्यातील तरसोद येथील नारायण प्रकाश राजपूत (वय ३५) हे शनिवार, १८ जानेवारी रोजी संध्याकाळी पावणेसहा वाजेच्या सुमारास हॉटेलमध्ये आले असता, चोरट्याने त्यांच्या जवळ जाऊन सुमारे १८ हजार रुपयांचा मोबाईल आणि सिमकार्ड चोरून हॉटेलमधून पसार झाला. हा प्रकार लक्षात आल्यानंतर तरुणाने मोबाइलची शोधाशोध केली असता मिळाला नाही. काउंटवरही विचारणा केली. मात्र तपास लागला नाही. या घटनेबद्दल तक्रारीनुसार एमआयडीसी पोलिस ठाण्यात गुन्हा दाखल करण्यात आलेला आहे. पोलीस नाईक प्रदीप चौधरी यांचा तपास चालू आहे.
