धरणगाव (प्रतिनिधी) शहरातील कोट बाजार परिसरातून मोबाईलसह दुचाकी लांबवल्या प्रकरणी एकाविरुद्ध गुन्हा दाखल करण्यात आला आहे.
या संदर्भात अधिक असे की, शहरातील कोट बाजार परिसरात जाहीर आलम शकील अहमद हे आपल्या परिवारासह वास्तव्यास आहेत. दिनांक 4 ऑक्टोंबरच्या रात्री ते नेहमी प्रमाणे झोपी गेले. पहाटे त्यांच्या लक्षात आले की, अज्ञात चोरट्याने घरात घुसून घरातील ओपो कंपनीचा मोबाईल आणि दुचाकीची चाबी सोबत नेली. त्यानंतर त्याने अंगणात लावलेली हिरो होंडा कंपनीची दुचाकी लंपास केली. जहीर आलम यांनी गावातील विविध सीसीटीव्ही फुटेज चेक केले असता त्यांच्या लक्षात आले की, गावातीलच एक तरुण त्यांची दुचाकी घेऊन जात आहे. यासंदर्भात त्यांनी अधिक चौकशी केली असता तो तरुण गावातील वैभव उर्फ विकी हेमंत चौधरी (राहणार लहान माळीवाडा, तेली विहीर जवळ), असल्याचे लक्षात आले. जाहीर आलम यांनी तात्काळ पोलीस स्टेशनला धाव घेत विकी चौधरीविरुद्ध आपली फिर्याद दिली. त्यानुसार विकीविरुद्ध गुन्हा दाखल करण्यात आला असून पुढील तपास पोलीस निरीक्षक पवन देसले यांच्या मार्गदर्शनाखाली पोलीस हेडकॉन्स्टेबल महेंद्र बागुल हे करीत आहेत. दरम्यान, विकीविरुद्ध याआधी देखील चोरीचे तीन गुन्हे दाखल असल्याची माहिती पोलीस सूत्रांनी दिली आहे. तर चोरीला गेलेली दुचाकी फागणे येथील एका पेट्रोल पंपवर मिळून आली आहे.
