जळगाव (प्रतिनिधी) जिल्ह्यातील शिक्षण क्षेत्राला हादरवणारी सर्वात मोठी बातमी समोर आली आहे. जळगाव जिल्ह्यातील बोगस शिक्षकांची यादी ‘द क्लिअर न्यूज’च्या हाती लागली असून त्यानुसार सर्वाधिक बोगस शिक्षक जळगाव आणि चोपडा येथे आढळून आले आहेत. पुणे पोलिसांनी या प्रकरणाचा कसून तपास केल्यानंतर अनेक धक्कादायक गोष्टी समोर आल्या आहेत. तर खाली जाणून घ्या…जळगाव जिल्ह्यात गावनिहाय बोगस शिक्षकांची संख्या !
जाणून घ्या…जळगाव जिल्ह्यात गावनिहाय बोगस शिक्षकांची संख्या !
अडावद – ६
अडगाव – २१
अखतवाडे – २
अकुलखेडा – ८
अमादडे – ३४
अमळगाव – ३
अमळनेर – २८
अमोदा – ८
अंजनविहिरे – ७
अंतुरली ii – ३०
असनखेडा – ५
आसोदा – १
बहादरपुर – १
बहळ – ३
बेलदारवाडी – ३७
बेलगंगा – १
भादली बु – १
भालोद – २
भातखेडा – १४
भोणे – १२
भुसावळ – २५
बोदवड – ४
बोहारे – १
बोरखेडा – २
बोरणार – ३
ब्रम्हांशेवगे – २
चीनावल –३
चींचपुरे – ३
चोपडा – ५५
दीपनगर – ५
फैजपूर – ३२
फरकांडे – १०
फत्तेपूर – २
गोंदगाव – ३
हिंगोणे खुर्द – २
जळगाव – ७७
जामनेर – २६
जुवर्डी – १
खिर्डी – ४
खिरोदा – ८
कुर्हा – २
कुऱ्हड – ५
एम.एस.एस.के. फैजपूर – ५
मुक्ताईनगर – ६
नशिराबाद – ३
नेरी बु – ५
पहूर – १
रावेर – ९
साकळी – १६
सावदा – ७
शेंदुर्णी – ४
वरणगाव – ६
वाकडी – १
यावल – १६
#N/A – ३६
एकूण – ६१४
सर्वाधिक बोगस शिक्षक नाशिकमध्ये
पुणे पोलिसांनी या प्रकरणाचा तपास करत पाळेमुळे खणली. तेव्हा एकेक धक्कादायक माहिती समोर आली. त्यानुसार राज्यातील 36 जिल्ह्यांपैकी सर्वाधिक बोगस शिक्षक नाशिकमध्ये आढळले. त्यांची संख्या 1154 आहे. त्यानंतर धुळ्यात 1002, नंदुरबारमध्ये 808, जळगाव 614, पुणे 395, बीड 338 आणि सर्वात कमी बोगस शिक्षक हे गोंदिया जिल्ह्यात 9 आहेत.
आतापर्यंत १५ जणांना अटक
पुणे पोलिसांना म्हाडा परीक्षेच्या पेपरफुटीचा तपास करताना डॉ. प्रीतीश देशमुख, अंकुश हरकळ, संतोष हरकळ यांना बेड्या ठोकल्या. तेव्हा हे बोगस शिक्षक प्रकरण समोर आले. या संशयितांच्या लॅपटॉपमध्ये चक्क 2019-20 मधील 1270 परीक्षार्थींची यादी सापडली. या घोटाळ्यात आतापर्यंत पोलिसांनी जवळपास 15 जणांना बेड्या ठोकल्या आहेत. राज्यात 2019 मध्ये शिक्षक पात्रता परीक्षा झाली होती. ही परीक्षा 3 लाख 43 हजार 284 जणांनी दिली. त्यातील 16705 जण पास झाले होते. यापैकी जवळपास 7880 जण हे पैसे देऊन या परीक्षेत उत्तीर्ण झाल्याचे समोर आले आहे.
3 हजार 995 पानांचे दोषारोपपत्र
पुणे पोलिसांनी टीईटी घोटाळ्याचे 3 हजार 995 पानांचे दोषारोपपत्र नुकतेच प्रथमवर्ग न्यायदंडाधिकारी श्रद्धा डोलारे यांच्या न्यायालयात दाखल केले आहे. त्यामध्ये या परीक्षेत तब्बल 7 हजार 888 अपात्र उमेदवारांना उत्तीर्ण केल्याचे म्हटले आहे.
