धरणगाव (प्रतिनिधी) तालुक्यातील २ वाळूमाफियांना ठोठावण्यात आलेल्या दंडापोटी महसूल प्रशासनाने त्यांच्या मालमत्ता जप्त केल्या आहेत. या दोघंही वाळूमाफियांच्या मालमत्ता जप्त करण्यात आल्या असून सर्वच मालमत्तांचा लिलाव करण्याचा आदेश प्रशासनाने काढले आहेत.
धरणगाव तहसीलदार महेंद्र सूर्यवंशी यांनी तालुक्यातील गौण खनिज वाहतुक करणाऱ्या 02 वाळु माफियांचा स्थावर मालमत्तेचा लिलाव करण्याची प्रक्रिया प्रशासनाने सुरू करण्यात आली असल्याची माहिती दिली आहे. तालुक्यातील गिरणा नदीपात्र मौजे बांभोरी प्र.चा येथून वाळुची अवैध गौण खनिज वाहतुक करण्यात आलेली आहे.
1) पवन कडू नन्नवरे (रा. बांभोरी प्र.चा. ता. धरणगाव) यांच्याकडे 2,41,350 तर ज्ञानेश्वर राजू सपकाळे (रा. बांभोरी प्र.चा. ता. धरणगाव) यांच्याकडे 2,62,024 मात्र दंड करण्यात आला आहे. दंडाची रक्कम सदरील व्यक्तिनी न भरल्याने त्यांच्या स्थावर मालमत्तेवर बोजा बसविण्यात आलेला आहे.
संबंधित वाहनधारक यांच्या मालमत्तेचा शोध घेवून तहसिलदार धरणगांव यांनी मौजे बांभोरी प्र.चा. येथील घर क्रमांक 757 व घर क्रमांक 227/24/पैकी या जंगम व स्थावर मालमत्तेची लिलाव प्रक्रिया दिनांक 23 जानेवारी रोजी रोजी दुपारी 1.00 वाजता तहसिल कार्यालय, धरणगाव येथे करण्यात येवून दंडाची रक्कम वसूल करण्याची कार्यवाही सुरू केली आहे.
