जळगाव (प्रतिनिधी) जळगाव महापालिकेत महापौर, उपमहापौर निवडीच्या पार्श्वभूमीवर जोरदार राजकीय उलाढाल होत असून सत्ताधारी भाजपचे २७ नगरसेवक बंडाच्या पवित्र्यात असून ते शिवसेनेच्या संपर्कात असल्याचे सांगण्यात येत आहे. तर भाजपनेही कठोर पाऊले उचलत फुटीर नगरसेवकांवर अपत्रातेच्या कारवाईची तयारी सुरू केली आहे. तसेच महापालिकेत भाजपचीच सत्ता असेल फुटीर नगरसेवकांवर कारवाई करण्यात येईल, असे भाजपा नेते गिरीश महाजन म्हटले आहे.
जळगाव महापालिकेत भाजपचं स्पष्ट बहूमत आहे. महापौर आणि उपमहापौरपदाचा अडीच वर्षांचा कार्यकाळ १७ मार्च रोजी संपणार आहे. तर १८ मार्च रोजी नवीन महापौर आणि उपमहापौरपदासाठी निवडणूक होणार आहे. तसेच ७५ पैकी तब्बल ५७ नगरसेवक भाजपचे आहेत तर शिवसेनेचे १५ व एम आय एम चे तीन नगरसेवक आहेत.
पक्षाचे नेते गिरीश महाजन हे काय निर्णय घेणार याकडे लक्ष लागले असताना शिवसेनेनेही निवडणुकीत आपला उमेदवार जाहीर केला जयश्री महाजन यांना महापौर पदाचे उमेदवार जाहीर केले. व डावपेच आखले आहेत. भाजपचे २७ नगरसेवक आपल्या सोबत असल्याचा दावा सेनेच्या पदाधिकायांनी केला आहे. यावेळी आमचाच महापौर होणार असा दावा विरोधी पक्षनेते सुनील महाजन यांनी केला आहे.
भाजपने ही आता आपली सत्ता राखण्यासाठी तयारी केली असून. फुटीर नगरसेवकांवर अपत्रतेच्ची या कारवाई करण्याची तयारी केली आहे. गटनेते भगत बालनी यांनी म्हणाले की, महापालिकेत भारतीय जनता पक्षाचा महापौर, उपमहापौर होईल. भारतीय जनता पक्षाचे नेते व माजी मंत्री गिरीश महाजन यांनी सांगितले की, महापालिकेत भाजपचीच सत्ता असेल फुटीर नगरसेवकांवर कारवाई करण्यात येईल.
