धर्मशाला (वृत्तसंस्था) बॉलीवूड अभिनेता आसिफ बसराने गळफास घेवून आत्महत्या केली आहे. गुरुवारी, हिमाचल प्रदेशच्या कांग्रा जिल्ह्यातील धर्मशाला येथे बसरा यांनी मॅकलॉडगंजमधील जोगीबाडा रोडवरील कॅफेजवळ असलेल्या घरात आत्महत्या केली.
गुरुवारी दुपारी आसिफ आपल्या पाळीव कुत्र्यावर फिरायला घेऊन गेले होते. कुत्र्याला फिरवून आणल्यानंतर ते घरी परतले आणि नंतर त्याच पट्ट्याला लटकून त्यांनी गळफास लावून घेतला. सुरुवातीच्या तपासात या प्रकरणाला आत्महत्या असल्याचं म्हटलं आहे. आसिफ यांनी एवढं टोकाचं पाऊल का उचललं याबद्दल कोणतीही माहिती मिळू शकलेली नाही. पोलीस सध्या या प्रकरणाचा तपास करत आहेत. पोलिसांना तपासात मिळालेल्या माहितीनुसार आसिफ हे आपल्या परदेशी मैत्रिणीसोबत धर्मशाला येथे एका भाड्याच्या घरात राहत होते. दिवंगत अभिनेता सुशांत सिंह राजपूतसोबत त्याच्या पहिल्या ‘काय पो छे’चित्रपटात काम केले होते. दरम्यान, ज्या पाळीव कुत्र्याच्या गळ्यातील पट्ट्याने आसिफ यांनी आत्महत्या केली, तो कुत्राही बेपत्ता असल्याची माहिती आहे.
