TheClearNews.Com
Sunday, November 22, 2026
  • Home
  • जळगाव
    • जळगाव
    • धरणगाव
    • भुसावळ
    • चाळीसगाव
    • चोपडा
    • अमळनेर
    • एरंडोल
    • जामनेर
    • पाचोरा
    • पारोळा
    • बोदवड
    • भडगाव
    • मुक्ताईनगर
    • यावल
    • रावेर
  • जिल्हा प्रशासन
  • राष्ट्रीय
  • राज्य
  • आरोग्य
  • कृषी
  • क्रीडा
  • गुन्हे
  • मनोरंजन
  • राजकीय
  • शिक्षण
  • सामाजिक
  • Home
  • जळगाव
    • जळगाव
    • धरणगाव
    • भुसावळ
    • चाळीसगाव
    • चोपडा
    • अमळनेर
    • एरंडोल
    • जामनेर
    • पाचोरा
    • पारोळा
    • बोदवड
    • भडगाव
    • मुक्ताईनगर
    • यावल
    • रावेर
  • जिल्हा प्रशासन
  • राष्ट्रीय
  • राज्य
  • आरोग्य
  • कृषी
  • क्रीडा
  • गुन्हे
  • मनोरंजन
  • राजकीय
  • शिक्षण
  • सामाजिक
No Result
View All Result
Morning News
No Result
View All Result

ब्रेकिंग न्यूज : आ. मंगेश चव्हाण यांची गुटखा माफीयांसह पोलीस अधिकारी व कर्मचारींविरुद्ध फिर्याद !

The Clear News Desk by The Clear News Desk
October 17, 2020
in गुन्हे, चाळीसगाव, जळगाव
0
Share on FacebookShare on Twitter

जळगाव (प्रतिनिधी) चाळीसगाव तालुक्यातील मेहुणबारे येथे शुक्रवारी रात्री एक गुटख्याने भरलेला ट्रक एलसीबीने पकडल्यानंतर तेथेच गुन्हा दाखल न करता तो जळगावला आणला जात होता. या ट्रकमधील गुटखा कमी दाखवून गुन्ह्याची तीव्रता कमी करणार असल्याची गुप्त माहिती आ. मंगेश चव्हाण यांना मिळाल्यानंतर त्यांनी रात्रभर पाठलाग करून हा ट्रक जळगाव जवळ पहाटे पकडला. याबाबत आ. चव्हाण यांनी पोलिसांना जाब विचारात फिर्याद घेण्याची विनंती केली. परंतू पोलिसांनी स्वतः गुन्हा दाखल केल्यामुळे आ. चव्हाण यांनी गुटख्याची विल्हेवाट लावणे, पुरावा नष्ट करण्याच्या उद्देशाने बेकायदेशीर वाहतूक केल्याप्रकरणी ट्रक चालक, मालकासह चक्क एलसीबी, जिल्हा पेठ पोलीस निरीक्षक आणि मेहुणबाऱ्याचे पोलीस अधिकारी आणि कर्मचारींविरुद्ध फिर्याद दिल्यामुळे प्रचंड खळबळ उडाली आहे. दरम्यान, गुन्हा दाखल न झाल्यास हायकोर्टात जाण्याचा इशारा देखील आ.चव्हाण यांनी दिला आहे.

 

READ ALSO

महावितरणचा वीजचोरांना दणका

आंतरराष्ट्रीय हॉकी स्पर्धेत चमकलेल्या हिमाली बोरोले व ममता प्रजापत यांच्यासह शौर्य चौधरीचा गौरव!

आमदार मंगेश चव्हाण यांची फिर्याद जशीच्या तशी

मी नामे श्री.मंगेश रमेश चव्हाण, वय – ३७, व्यवसाय – शेती / उद्योग, रा.चाळीसगाव मो.क्र.९६२३५५५५४४, चाळीसगाव विधानसभा मतदारसंघाचा भारतीय जनता पक्षाचा आमदार आहे. मी जळगाव जिल्ह्यातील वरिष्ठ पोलीस अधिकारी जसे की जिल्हा पोलीस अधिक्षक, अप्पर पोलीस अधिक्षक, चाळीसगाव विभाग, चाळीसगाव, पोलीस उपविभागीय अधिकारी, चाळीसगाव तसेच मा.गृहमंत्री, महाराष्ट्र राज्य यांस वारंवार माझ्या चाळीसगाव मतदारसंघातील, शहर पोलीस ठाणे, ग्रामीण पोलीस ठाणे व मेहुणबारे पोलीस ठाणे च्या हद्दीत अनेक प्रकारचे अवैध धंदे जसे की, सट्टा, जुगार, बेकायदा पत्त्यांचे क्लब, गुटखा, गांजा, अवैध देशी दारू, बनावट दारू इत्यादी बाबत वारंवार लेखी व तोंडी तक्रारी देऊन अवैध धंद्याच्या सद्यस्थितीबाबत अवगत केलेले होते व आहे. मतदारसंघातील नागरिकांनी या अवैध धंद्यांबाबत मला लेखी व तोंडी तक्रारी दिल्या आहेत. त्यानुषंगाने मी देखील प्राथमिक चौकशी करून मा.मंत्री महोदय व वरिष्ठ अधिकारी यांना तक्रारी दिल्या होत्या. परंतु उपरोक्त तक्रारी दिल्यानंतर देखील सबंधित जबाबदार अधिकारी यांनी त्याकडे कानाडोळा करून सदरील अवैध धंद्यांना संरक्षण देऊन खुलेपणाने सुखनैव चालू ठेवलेले होते व आहेत. अशी परिस्थिती असताना मी आमदार या नात्याने सबंधित अधिकाऱ्यांना बजावले होते की आपण जर सदरील अवैध धंद्यांवर कायदेशीर कारवाई केली नाही तर मला स्वतःला रस्त्यावर उतरून कारवाई करणे भाग पडेल. परंतु लोकप्रतिनिधींनी बजावून देखील सबंधित पोलीस अधिकारी यांनी त्याबाबतीत कुठलीही कारवाई केली नाही. एवढेच नव्हे तर विशेष पोलीस महानिरीक्षक नाशिक यांचे अंकित पथकाने देखील मागील आठवड्यात चाळीसगाव तालुक्यातील सट्टा – जुगार च्या अड्ड्यांवर धाडी टाकून कारवाई केली. मात्र सदरील कारवाई देखील थातुरमातुर स्वरुपाची होती. त्या कारवाई मुळे सदरील सट्टा, जुगार व इतर अवैध धंद्यांना कुठल्याही प्रकारचा लगाम लागलेला नाही. त्यानंतर मला मिळालेल्या गुप्त माहितीच्या आधारावर स्थानिक गुन्हे अन्वेषण विभाग जळगाव व मेहुणबारे पोलीस स्टेशनचे सहा. पोलीस निरीक्षक श्री.बेंद्रे व चाळीसगाव पोलीस स्टेशनचे सहाय्यक पोलीस निरीक्षक श्री.सुरेश शिरसाठ यांनी सुमारे ३५ ते ४० लाख रुपये किमतीचा गुटखा असलेली गाडी अडवून त्यांनतर आर्थिक देवाणघेवाणाची तडजोड करीत असल्याचे कळाले. त्यानंतर मी माझ्या वाहनाने आर्वी – शिरूड चौफुली मार्गे मेहुणबारे पोलीस ठाण्याच्या हद्दीत पोहोचलो असता सदरील वाहन सोडून दिले असल्याचे कळाले व वाहन जळगाव कडे गेले असल्याची माहिती मिळाली. त्यांनतर सदरील वाहनाचा पाठलाग करून ते वाहन व त्यातील गुटखा जिल्हा पेठ पोलीस ठाण्यात आणला असता ठाणे अमलदार यांनी फिर्याद घेण्यास टाळाटाळ केली. त्यानंतर मा.पोलीस अधिक्षक सो यांनादेखील दखलपात्र गुन्ह्याबाबत माहिती दिली असता उडवाउडवीची उत्तरे मिळाली, मी स्वतः पोलीस ठाण्यात फिर्याद देण्यासाठी गुटखा असलेल्या वाहनासह गेलो असता फिर्याद नोंदवून घेतली नाही. मा.सर्वोच्च न्यायालयाने ललिता वि. उत्तर प्रदेश राज्य या खटल्यात पोलिसांना दखलप्राप्त गुन्ह्याची माहिती प्राप्त झाल्यानंतर त्यांनी ते नोंदवून घेणे बंधकारक असते असा स्पष्ट न्यायनिवाडा दिलेला आहे, परंतु मी लोकप्रतिनिधी असताना देखील फिर्याद नोंदवून घेण्यास पोलिसांनी टाळाटाळ केलेली आहे त्यामुळे सर्वसामान्य नागरिक फिर्याद नोंदविण्यास गेले असता त्यांचे काय हाल होत असतील याची कल्पना येते. त्यामुळेच मला भारतीय दंडप्रक्रिया संहितेच्या कलम १५४ (३) नुसार इमेल द्वारे निम्नलिखित फिर्याद देणेक्रमप्राप्त होत आहे.

 

माझी फिर्याद येणेप्रमाणे,

 

दि.१६/१०/२०२० रोजी रात्री १०.३० मी मित्रांसोबत मुंबई येथे जात असताना हॉटेल चेतना येथे जेवण घेण्याकरिता थांबलो होतो. त्यावेळेस माझ्या फोनवर गुप्त माहिती मिळाली की MH18 M 0553 या मालवाहक ट्रक मधून सुमारे ३५ ते ४० लाख रुपये किमतीचा गुटखा वाहून नेत असताना स्थानिक गुन्हे अन्वेषण शाखेचे कर्मचारी यांनी मेहुणबारे पोलीस स्टेशन हद्दीत सदरील वाहन अडविले आहे व त्यात अवैध व बेकायदेशीर गुटखा असल्याची खात्री केली आहे. त्यानंतर सदरील कर्मचाऱ्यांनी सबंधित व्यक्तींशी आर्थिक देवाणघेवाण करून सदरील वाहन हे सोडून दिले आहे. याबाबतची माहिती मेहुणबारे पोलीस ठाण्याचे प्रभारी सहा.पोलीस निरीक्षक श्री.बेंद्रे यांना व चाळीसगाव पोलीस स्टेशनचे सहाय्यक पोलीस निरीक्षक श्री.सुरेश शिरसाठ मिळाल्यानंतर सदरील वाहन जप्त करून त्यावर कुठल्याही प्रकारचा गुन्हा नोंदविण्याची कारवाई न करता आर्थिक देवाणघेवाण करून ते वाहन सोडून दिले.

मी घटनास्थळावर माझ्या इंडिव्हेअर गाडी क्र.MH 19 DQ 7777 ने आर्वी – शिरूड चौफुली मार्गे घटनास्थळी साधारणता रात्री १ ते १.३० वाजेच्या सुमारास माझ्या सोबत असलेल्या कार्यकर्त्यांच्या मदतीने सदरील वाहनाचा शोध घेतला सदरील वाहन मिळून आले नाही. त्यानंतर मी याबाबत श्री.गोरे, अप्पर पोलीस अधिक्षक यांच्याशी भ्रमणध्वनी द्वारे चर्चा केली असता त्यांनी असा काही प्रकार झाल्याची माहिती माझ्याकडे उपलब्ध नसल्याचे सांगितले. त्यानंतर मी माझ्या गुप्त बातमीदारास तू मला चुकीची माहिती दिली किंवा कसे याबाबत विचारणा केली असता त्यांनी सांगितले की स्थानिक गुन्हा अन्वेषण शाखेचे कर्मचारी व मेहुणबारे पोलीस स्टेशनचे सहा.पो.नि. सचिन बेंद्रे व चाळीसगाव पोलीस स्टेशनचे सहाय्यक पोलीस निरीक्षक श्री.सुरेश शिरसाठ त्यांचे कर्मचारी यांनी मिळून सदरील वाहन हे आर्थिक देवाणघेवाण अंती सोडून दिले एवढेच नव्हे तर स्थानिक गुन्हे शाखेचे कर्मचारी सदरील वाहन हे जळगाव येथे विना अडथळा पोहचविण्यासाठी वाहनामागे रवाना झालेले आहेत अशी माहिती त्याने दिली त्यामुळे सदरील माहितीची सत्यता पडताळणी करता मी माझे उपरोक्त क्रमांकाची इंडिव्हेअर या गाडीतून चाळीसगाव हुन पाचोरा मार्गे जळगाव कडे निघालो त्यानंतर आम्ही दिनांक – १७/१०/२०२० भल्या पहाटे सदरील वाहनाला जळगाव येथे पाचोरा रोड वरील जैन हिल्स येथे अडविले असता, मी सदरील ट्रकचे ड्रायव्हर व क्लिनर यांच्याकडे चौकशी करत असताना तेथे स्थानिक गुन्हे शाखेचे कर्मचारी येऊन त्यात हस्तक्षेप करू लागले व काही कारवाई करू नये अशी विनंती करू लागले. त्याची मोबाईल वर रेकॉर्ड केलेली ध्वनिचित्रफीत माझ्याकडे उपलब्ध आहे. त्यानंतर मी ड्रायव्हर कडे विचारणा केली असता त्याने सांगितले की, सदरील वाहन हे मेहुणबारे पोलीस स्टेशनच्या हद्दीत तरवाडे बारी येथे रात्री ८ वाजता स्थानिक गुन्हे शाखेचे कर्मचारी व मेहुणबारे पोलीस स्टेशन प्रभारी यांनी अडविले व मालकांशी दूरध्वनीवर चर्चा करून सोडून दिले असल्याचे सांगितले. त्यांनंतर तेथे उपस्थित असलेले स्थानिक गुन्हे अन्वेषण शाखेचे कर्मचारी यांना याबाबत विचारणा केली असता त्यांनी सांगितले की हे वाहन आम्ही वरिष्ठांच्या आदेशाने जळगाव कडे आणले असल्याचे त्यांनी मला सांगितले. मी तातडीने याबाबत जिल्हा पोलीस अधिक्षक यांना भ्रमणध्वणी वर संपर्क साधून घडलेल्या प्रकाराची माहिती दिली. असता त्यांनी सांगितले की मला याबाबत काही माहिती नसून याबाबत चौकशी करतो असे सांगितले.

त्यानंतर मी जवळपास २ तास तेथे उपस्थित पोलिसांशी चर्चा करून सदर वाहन जप्त करण्यात यावे व त्यातील मुद्देमाल हस्तगत करण्यात यावे असे सांगितले असता स्थानिक पोलिसांनी आम्हाला वरिष्ठांच्या आदेशाने सदर वाहन व मुद्देमाल हा मेहुणबारे पोलीस स्टेशन येथे नेत असल्याचे सांगितले. मी याला तीव्र विरोध केला असता शेवटी हे वाहन जिल्हापेठ पोलीस स्टेशन येथे नेण्यात आले. तेथे माझी फिर्याद दाखल करून घेण्याची विनंती केली असता जिल्हापेठ पोलीस ठाण्याचे प्रभारी यांनी आम्हाला फिर्याद दाखल न करण्याचे आदेश वरिष्ठांनी दिले असल्याचे सांगितले.

तरी मेहुणबारे पोलीस स्टेशन हद्दीत बेकायदेशीर व प्रतिबंधित असलेला गुटख्याच्या वाहनाची मेहुणबारे पोलीस स्टेशनला नोंद न करता त्यातील बेकायदेशीर गुटख्याची विल्हेवाट लावणे, पुरावा नष्ट करणे या उद्देशाने बेकायदेशीर वाहतूक केल्याप्रकरणी ट्रक चालक मालक, गुटखा ज्याठिकाणाहून आला, ज्या ठिकाणी पोहचणार होता ते सर्व संबंधित, तसेच त्यास सहकार्य करणारे सर्व संबंधित गुन्हे अन्वेषण शाखा व मेहुणबारे पोलीस स्टेशनचे प्रभारी अधिकारी व कर्मचारी यांच्याविरोधात माझी फिर्याद देत आहे. सदर दखलपात्र गुन्ह्याची फिर्याद दाखल करून न घेतल्यास मला मा.उच्च न्यायालयात जाणे क्रमप्राप्त ठरेल.

 

Share this:

  • Facebook
  • WhatsApp
  • Telegram
  • Twitter

Related Posts

गुन्हे

महावितरणचा वीजचोरांना दणका

November 21, 2026
क्रीडा

आंतरराष्ट्रीय हॉकी स्पर्धेत चमकलेल्या हिमाली बोरोले व ममता प्रजापत यांच्यासह शौर्य चौधरीचा गौरव!

November 21, 2026
गुन्हे

महागड्या कार चोरट्यांच्या निशाण्यावर! काचा फोडून रोकडसह वस्तू लंपास

November 20, 2026
गुन्हे

कमरेला गावठी पिस्तूल लावून दहशत माजविणारा गजाआड

November 20, 2026
जळगाव

महावितरणच्या अभय योजनेत जळगाव परिमंडलातील ३ लाख ९२ हजार ग्राहकांना थकबाकीमुक्तीची संधी!

November 19, 2026
गुन्हे

दोन दिवसांपूर्वीच घरी आलेल्या तरुणाचा पाठीत चॉपर खूपसून निघृण खून

November 19, 2026
Next Post

मानमोडी येथील भाजपच्या कार्यकर्त्यांचा शिवसेनेत प्रवेश

Leave a Reply Cancel reply

Your email address will not be published. Required fields are marked *

POPULAR NEWS

…म्हणून मी सरस्वतीच्या मृतदेहाचे तुकडे केले, सानेच्या दाव्याने हत्याकांडाला नवीन कलाटणी !

June 9, 2023

भल्यापहाटे पोलीस अधिकाऱ्याने पत्नी अन् पुतण्याला गोळ्या घातल्या ; नंतर स्वतः ही उचललं टोकाचे पाऊल !

July 24, 2023

धक्कादायक ! निर्जनस्थळी प्रेमी युगलाचा रोमान्स ; शारीरिक संबंध ठेवताना अल्पवयीन तरूणीचा जागीच मृत्यू !

March 27, 2023

अपघाताचा बनाव करून पतीनेच‎ पत्नीला कारमध्ये जिवंत जाळल्याचे उघड ; कारण वाचून तुम्हाला बसेल धक्का !

June 29, 2023

किरीट सोमय्या यांचा व्हायरल व्हिडिओ खरा की खोटा? ; पोलीस तपासात समोर आली मोठी माहिती !

July 26, 2023

EDITOR'S PICK

MS धोनीचे टीम इंडियात कमबॅक, निभावणार ‘ही’ भूमिका

September 9, 2021

चाईल्ड पॉर्नोग्राफी : ढेंकानालमध्ये छापा मारण्यास गेलेल्या सीबीआय टीमला जमावाकडून मारहाण

November 17, 2021

भुसावळ अमृत पाणीपुरवठा योजनेच्या रखडलेल्या कामावरून एकनाथराव खडसे आक्रमक; विधान परिषदेत सरकारला धारेवर धरले

March 1, 2026

गाव आणि मन कायम स्वच्छ ठेवा – पाणीपुरवठा व स्वच्छता मंत्री गुलाबराव पाटील !

September 25, 2024
ADVERTISEMENT

About

The Clear News

१४ सप्टेंबर २०२० रोजी 'द क्लिअर न्यूज'ची अधिकृत सुरुवात झाली आहे. सोशल मिडियाच्या युगात अवघ्या काही क्षणात बातम्या, माहिती सर्वसामान्य माणसांपर्यंत पोहचवली जात असली तरी आपल्या मनात सर्वात मोठा प्रश्न उभा राहतो, तो म्हणजे सोशल मीडियात आलेली बातमी, माहिती ही वस्तुनिष्ठ आणि सत्यार्थी आहे का? वाचकांच्या मनातील या प्रश्नाचे उत्तर आहे ,'द क्लिअर न्यूज'...!! हो, तुमचे,आमचे ,सर्वांचे अत्यंत विश्वासार्ह असे डिजिटल न्यूज चॅनल...!!

Follow us

© . Powered by ContentOcean Infotech

No Result
View All Result
  • Home
  • जळगाव
    • जळगाव
    • धरणगाव
    • भुसावळ
    • चाळीसगाव
    • चोपडा
    • अमळनेर
    • एरंडोल
    • जामनेर
    • पाचोरा
    • पारोळा
    • बोदवड
    • भडगाव
    • मुक्ताईनगर
    • यावल
    • रावेर
  • जिल्हा प्रशासन
  • राष्ट्रीय
  • राज्य
  • आरोग्य
  • कृषी
  • क्रीडा
  • गुन्हे
  • मनोरंजन
  • राजकीय
  • शिक्षण
  • सामाजिक

© . Powered by ContentOcean Infotech

error: Content is protected !!
Join WhatsApp Group