चाळीसगाव (प्रतिनिधी) जिल्ह्यातील चाळीसगाव येथील शेतकऱ्याकडून टॅक्ट्रर कर्ज वेळेत न फेडले गेल्यामुळे त्याकरिता जप्तीचा धाक दाखवीत 20 हजार रुपयांची लाच मागून ती स्वीकारणाऱ्या प्रशांत साबळे या औरंगाबादच्या व्यक्तीस सीबीआय पुणेच्या टीमने रंगेहाथ पकडल्याचे वृत्त समोर आल्यामुळे खळबळ उडाली आहे.
या संदर्भात अधिक असे की, पारोळा येथील एका शेतकऱ्याने ट्रॅक्टर विकत घेतले होते. परंतु त्याचे कर्ज वेळेत न फेडले गेल्यामुळे संबंधित व्यक्तीला त्रास दिला जात असल्याचे कळते. संबंधित तक्रारदाराने याबाबत थेट पुणे सीबीआयला तक्रार केल्यानंतर आज कारवाई करण्यात आली. दरम्यान, या वृत्ताबाबत अधिकृत अद्याप कुणीही दुजोरा दिलेला नाही. परंतु सोशल मीडियात यासंदर्भात मोठ्या प्रमाणात मेसेज फिरत आहे.
