चोपडा : राज्यात विधानसभा निवडणुकीची रणधुमाळी सुरू असतानाच चाळीसगाव तालुक्यात जामडी येथे जिल्हा नाकाबंदी दरम्यान 7 लाख रुपयांची रोकड सापडल्याची बातमी ताजी असतानाच चोपडा येथेही नाकाबंदी दरम्यान 30 लाख रोकड जप्त करण्यात आली आहे.
सविस्तर माहिती अशी की, चोपडा येथील तिरंगा चौक, श्रीनाथ प्राईड येथे होंडाई व्हेन्यू कंपनीची गाडी क्रमांक MP 09 -CK 7474 हिच्या मध्ये 30 लाख रुपये (500 रुपये दराचे 15, लाख रुपये, 200 रुपये दराचे 6 लाख रुपये, 100 रुपये दराचे 9, लाख रुपये) असे रोकड जप्त करण्यात आली. इसम नामे इम्रान अल्लाउददीन मन्सुरी (वय ४४ रा. बलवाडी ता. वरला जि. बडवाणी मध्यप्रदेश) अजय अरुण पाटील (वय ३२ रा. जयहिंद कॉलनी चोपड़ा) असे वरील रक्कम बलवाडी रोकड घेऊन जळगावकडे चोपडा मार्गे जात असतांना तिरंगा चौकात श्रीनाथ प्राईड होटेल समोर मिळून आले आहेत. याबाबत सविस्तर पंचनामा करण्यात आले आहे.
सदर रोकड कुठून कुठे घेऊन जात होते आणि ही रोकड कोणाची ? हिचा खरा मालक कोण ? याबाबत शहरात जोरात चर्चा असून याची कसून चौकशी पोलीस करीत आहे. ही रक्कम उपकोषागार कार्यालयात जमा करण्यात येईल असे निवडणूक अधिकारी पाटोळे यांनी पत्रकार परिषदेत माहिती दिली.
यांनी केली कारवाई
चाळीसगाव अपर पोलीस अधीक्षक कविता नेरकर (पवार) तसेच उप विभागीय पोलीस अधिकारी, चोपडा आण्णासाहेब घोलप, पोलीस निरीक्षक मधुकर साळवे, स.पो.नि एकनाथ भिसे, पो.उ.नि. अनिल भुसारे, पो.उ.नि. जितेंद्र वालटे, पो.उ.नि विजय देवरे, पो.उ.नि योगेश्वर हिरे, स.पो.उ.नि जितेंद्र सोनवणे, पोहेकों संतोष पारधी, पोहेको शिपी, पोहेकों ज्ञानेश्वर जवागे, पोना संदिप भोई, पोको प्रकाश मथुरे, पोकों प्रमोद पवार, पोको विनोद पाटील, पोकों अमोल पवार, पोकों मदन पावरा, पोकों रजनिकांत भास्कर, पोकों अक्षय सुर्यवंशी, पोकों समा तडवी यांनी ही कारवाई केली आहे.
