चोपडा (प्रतिनिधी) – मिळालेल्या गुप्त माहितीच्या आधारे शहरातील नवीन तहसील कार्यालयाच्या जवळील कान्हा वाशिंग सेंटर जवळ २२ वर्षीय दुर्गेश दिवाण पाटील यास चोपडा शहर पोलिसांनी गावठी कट्टुयासह रंगेहात पकडल्याची कारवाई २१ रोजी सायंकाळी ६ वाजेच्या सुमारास केली. यात एक लाखांचा मुद्देमाल पोलिसांनी हस्तगत केला आहे.
शहरातील नवीन तहसील कार्यालयाच्या मागील बाजूला कान्हा वाशिंग सेंटरजवळ बावीस वर्षीय तरुण गावठी कट्टा घेवून फिरत असल्याची माहिती पोलिसांना मिळाली होती. त्यानुसार पोलिसांनी सापळा रचत दुर्गेश दिवाण पाटील (रा.चोपडा) यास गावठी कट्टूयासह रंगेहात पकडले. त्याच्या ताब्यातून एक गावठी कट्टा, एक जिवंत काडतूस, मोबाईल असा एक लाखांचा मुद्देमाल पोलिसांनी जप्त केला आहे. पो.कॉ. नीलेश वाघ यांच्या फिर्यादीवरून या प्रकरणी दुर्गेश पाटील याच्या विरोधात चोपडा शहर पोलिसांत गुन्हा दाखल करुन त्याला ताब्यात घेण्यात आले आहे. ही कारवाई शहर पोलीस निरीक्षक पवन देसले, सहाय्यक पोलीस निरीक्षक एकनाथ भिसे, दीपक विसावे, संतोष पारधी, ज्ञानेश्वर जवागे, संदीप भोई, जगन्नाथ पाटील, विनोद पाटील, आकाश पाटील, नीलेश वाघ यांनी केली आहे. तपास स.पो.नि. एकनाथ भिसे करत आहेत.
