धरणगाव (प्रतिनिधी) शतकाची परंपरा असलेल्या पी. आर. हायस्कूलमध्ये भारतीय घटनेचे शिल्पकार विश्वरत्न परमपूज्य डॉ. बाबासाहेब आंबेडकर यांच्या महापरिनिर्वाणदिनी अभिवादन करण्यात आले. मुख्याध्यापक डॉ.संजीवकुमार सोनवणे यांनी डॉ. बाबासाहेब आंबेडकर यांच्या प्रतिमेला माल्यार्पण केले.
ज्येष्ठ शिक्षक बापू शिरसाठ यांनी डॉ. बाबासाहेब आंबेडकर यांच्या कार्यकर्तृत्वाचा आढावा घेतला. उपमुख्याध्यापक आर.के. सपकाळे, ज्येष्ठ शिक्षक कैलास वाघ, उमाकांत बोरसे, एनसीसी आॅफिसर डी.एस.पाटील, सी.ए.शिरसाठ, डॉ. वैशाली गालापुरे, सुरेखा तावडे, वंदना डहाळे, ग्रंथपाल विराग बाजपेयी, यांच्यासह शिक्षक आणि शिक्षकेतर कर्मचारी वर्गाने पूजन करून अभिवादन केले. शाळेचे कला शिक्षक राजेश खैरे यांनी डॉ. बाबासाहेब आंबेडकर यांचे कलात्मक चित्र रेखाटून मानवंदना दिली. कार्यक्रमाच्या यशस्वीतेसाठी योगेश नाईक, मिलिंद हिंगोणेकर, जितेंद्र दाभाडे यांनी सहकार्य केले. कार्यक्रमाचे सूत्रसंचालन आणि आभार प्रदर्शन बी. डी. शिरसाठ यांनी केले.
