भुसावळ (प्रतिनिधी) भुसावळ विभागातून जाणाऱ्या काही रेल्वे गाड्यांच्या वेळेत अंशतः बदल करण्यात आला आहे. प्रवाशांनी वेळेच्या बदलाची नोंद घ्यावी, असे आवाहन रेल्वे प्रशासनाने केले आहे. यात रेल्वे प्रशासनाने हुतात्मा एक्स्प्रेससह भुसावळ विभागातून धावणाऱ्या आठ रेल्वे गाड्यांच्या वेळेत बदल केला आहे.
गाड्यांच्या झालेल्या बदलानुसार गाडी क्रमांक २०७०६ मुंबई ते जालना वंदेभारत एक्सप्रेस नाशिक स्थानकात आगमन वेळ दुपारी ४.१८ येईल, तर ४.२० वाजता सुटेल तर मनमाड स्थानक येथे आगमन वेळ सायंकाळी ५.१८ आणि सुटण्याची वेळ ५.२० असेल. गाडी क्रमांक ११०२५ पुणे ते अमरावती हुतात्मा एक्सप्रेसचे भुसावळ स्थानक येथे आगमन वेळ रात्री ८.३० येईल व ८.३५ वाजता सुटेल.
गाडी क्रमांक ११०२६ अमरावती ते पुणे हुतात्मा एक्सप्रेस ही गाडी भुसावळ स्थानकावर रात्री २.२० वाजता येईल व २.२५ वाजता सुटेल. जळगाव स्थानकावर ही गाडी रात्री २ वाजून ५० मिनिटांनी पोहोचेल, तर २ वाजून ५२ मिनिटांनी सुटेल. पाचोरा स्थानकावर रात्री ३.२३, कजगाव स्थानकावर ३.४४, चाळीसगाव स्थानकावर ३.५८ वाजता पोहोचेल. गाडी क्रमांक १२०७२ हिंगोली- मुंबई जनशताब्दी एक्सप्रेस नाशिकरोड स्थानकावर दुपारी १२.४५ पोहोचेल, गाडी क्रमांक १२१०८ सीतापूर- लोकमान्य टिळक टर्मिनस एक्सप्रेस नाशिक स्थानकावर सायंकाळी ५.४७ वाजता पोहोचून ५.५० वाजता सुटेल.
गाडी क्रमांक २२१२३ पुणे- अजनी हमसफर एक्सप्रेस नांदुरा स्टेशनवर रात्री ११ वाजून ४४ मिनिटांनी पोहोचेल. अकोला स्थानकावर ही गाडी मध्यरात्री १२.४५ वाजता पोहोचून १२.४७ वाजता रवाना होईल. गाडी क्रमांक १२१८७ जबलपूर- मुंबई गरिबरथ एक्सप्रेस नाशिकरोड स्थानकावर सकाळी ७.४२ वाजता पोहोचेल. तर गाडी क्रमांक गाडी क्रमांक १२६१८ हजरत निजामुद्दीन- एर्नाकुलम मंगला एक्सप्रेस नाशिक रोड स्थानकावर पहाटे २.१५ वाजता पोहोचणार आहे.
