चोपडा (प्रतिनिधी) प्रत्येक महिन्याला महाराष्ट्र राज्य मार्ग परिवहन महामंडळातील विविध विभागांच्या कामगिरीचे मूल्यमापन करून त्यांना रॅगिंग दिले जाते दरम्यान एप्रिल 2024 या महिन्या मध्ये प्रवाशांना चांगल्या सुविधा, सुरक्षित प्रवास, उत्पन्न आदी बाबींच्या अनुषंघाने राज्य परिवहन महामंडळच्या चोपडा बस स्थानकाला रॅगिंग मध्ये 92 गुण मिळाले म्हणून चोपडा बस स्थानकांचा राज्यात प्रथम क्रमांकावर आला आहे.
राज्य परिवहन महामंडळाची एस.टी.ही केवळ राज्यात सर्वत्र गाव, वाड्या वस्त्यापर्यंत पोहचली आहे.त्यामुळे सध्यस्थितीत राज्यभर एस.टी.चे जाळे पसरले आहे.महिलावर्ग,विध्यार्थी, जेष्ठ नागरिक,तसेच रोजच्या रोज ये-जा करण्यासाठी सवलतीच्या दरात एस.टी.ची सुविधा उपलब्ध होत असल्यामुळे एस.टी.ग्राहकांसाठी संजिवनी ठरत आहे आणि त्यामुळे एस.टी.चा प्रवाशी वर्गही मोठा प्रमाणात आहे.मध्यप्रदेशातही चोपडा बस स्थानकातून देखील बसेस उपलब्ध असल्याने प्रवाशाना याचा मोठा फायदा होत असतो. त्यामुळे चोपडा विभागाचे नाव लौकिक झाले असून चोपडा बस स्थानकांचे नाव संपूर्ण महाराष्ट्र अग्रक्रमाणे घेतले जाते चोपडा विभागात एकूण 76 बसेस, प्रशासकीय कर्मचारी 38, वर्कशॉप कर्मचारी (यांत्रिक) -51, चालक – 157, तर वाहक -147 असून चोपडा बस स्थानकात नवीन इलेक्ट्रॉनिकच्या (चार्जिंगच्या) 21 बसेस लवकरच उपलब्ध होतील त्यासाठी लागणारे चार्जिंग पॉईंट जवळपास 10 तयार होत आहे. जळगाव जिल्ह्यात सर्व प्रथम चोपडा बस स्थानकालाच इलेक्ट्रॉनिक बसेस मिळतील असा ठाम विश्वास आम्हाला आहे असे आगार प्रमुख महेंद्र पाटील यांनी पत्रकारांशी बोलताना सांगितले.
एप्रिल 2024 ला रॅगिंगमध्ये यात – भारमान 4 गुण, भारमान सवलती मुल्यसह 10 गुण, इंधन प्रति किलोमीटर 6 गुण, मार्ग बंद वाहनांची टक्केवारी 10 गुण,ताफा वापर 10 गुण, वाहन वापर 7 गुण, चालक वाहन वापर 7 गुण, बस स्टॉप रेशो 8 गुण, अपघाताचे प्रमाण 10 गुण , नफा प्रति किलोमीटर ( सवलती सह) -20 गुण मिळाले असून असे एकूण 92 गुण मिळाले आहेत. त्यामुळे राज्यात प्रथम क्रमांक आलेला आहे.
या प्रथम क्रमांकाचे खरे मानकरी प्रवाशी,चालक, वाहक, प्रशासकीय कर्मचारी, यांत्रिक कर्मचारी, तसेच आम्हाला सहकार्य करणारा प्रत्येक घटकाचे आहे. तसेच राज्यातही प्रथम क्रमांकच येईल असा दुर्डविश्वास देखील आगार प्रमुख महेंद्र पाटील यांनी बोलून दाखवले.
