जळगाव (प्रतिनिधी) एकाच ठिकाणी काम करणाऱ्या तरुणांमध्ये किरकोळ कारणावरुन वाद होवून हाणामारी झाली. ही घटना विसनजी नगरातील महालक्ष्मी स्वीट मार्टजवळ घडली. याप्रकरणी दोघ तरुणांविरुद्ध परस्परविरोधात दिलेल्या तक्रारीवरुन अदखलपात्र गुन्ह्याची नोंद करण्यात आली आहे.
मिळालेल्या माहितीनुसार, तालुक्यातील विदगाव येथील यश संजय कोळी (वय २०) हा तरुण आणि संशयित अरबाज खान रा. धरणगाव हे दोघ एकाच ठिकाणी कामाला आहेत. कामावर औषधांचा ट्रे व्यवस्थीत लाव असे सांगितल्याचे वाईट वाटल्याने अरबाज खान याने यश कोळी याला शिवीगाळ करीत चापटा बुक्क्यांनी बेदम मारहाण केली. याप्रकरणी यश कोळी याने दिलेल्या तक्रारीवरुन अरबाज खान याच्यास इतर दोघांविरुद्ध अदखलपात्र गुन्ह्याची नोंद करण्यात आली आहे.
जाणून बुजून त्रास दिल्याने केली मारहाण
धरणगाव येथील अरबाज खान फिरोज खान याने दिलेल्या तक्रारीवरुन ते एकाच ठिकाणी काम करीत असतांना, संशयित यश संजय कोळी व कुणाल संजय कोळी यांच्यासह एक जण हे कामावर जाणून बुजून मानसिक त्रास देत होते. त्याच्या कारणावरुन त्यांच्यात वाद होवून हाणामारी झाली. याप्रकरणी त्याने दिलेल्या तक्रारीवरुन तिघांविरुद्ध अदखलपात्र गुन्ह्याची नोंद करण्यात आली आहे.
