भुसावळ (प्रतिनिधी) भुसावळ शहरातील शिवाजी नगरात घर खाली करण्याच्या कारणावरून दोन कुटुंबांमध्ये १८ जानेवारी २०२५ रोजी सकाळी ९.३० वाजता वाद झाला. या वादामुळे दोन्ही कुटुंबांमध्ये हाणामारी होवून एकमेकांना शिवीगाळ केली आणि ठार मारण्याची धमकी दिली. या प्रकरणात, भुसावळ बाजारपेठ पोलीस ठाण्यात परस्परविरोधात एकूण ९ जणांविरोधात वेगवेगळे गुन्हे दाखल करण्यात आले आहेत.
शिवाजी नगरमधील अनिल हरगोविंद सिंधवाणी (वय ६०) आणि प्रविण अशोक अग्रवाल (वय ३४) यांचे कुटुंबे एकत्र राहत आहेत. १८ जानेवारीला सकाळी ९.३० वाजता घर खाली करण्यावरून दोन्ही कुटुंबांमध्ये वाद सुरू झाला. यामध्ये, अनिल सिंधवाणी आणि त्यांचे कुटुंबीय शृती हरगोविंद्र सिंधवाणी आणि क्रीश अनिल सिंधवाणी यांना मारहाण करून जखमी केले. त्याचवेळी त्यांच्या घरातून ३ लाख ४० हजार रुपयांचे सोन्याचे दागिने आणि रोकड चोरीला गेल्याचा आरोप करण्यात आला.
दुसऱ्या कुटुंबातील प्रविण अग्रवाल, अशोक अग्रवाल, शोभा अग्रवाल, आरती अग्रवाल, कैलास अग्रवाल आणि सोनी अग्रवाल यांनाही चापटाबुक्क्यांनी मारहाण केली, घराचे कुलूप तोडले आणि २ लाख ४० हजार रुपयांच्या सोन्याच्या मंगळसुत्र आणि रोकड चोरून नेल्याचा आरोप फिर्यादीत करण्यात आला आहे. या प्रकरणी भुसावळ बाजारपेठ पोलीस ठाण्यात गुन्हे दाखल करण्यात आले आहेत आणि तपास पोलीस उपनिरीक्षक राजू सांगळे करत आहेत.
