जळगाव प्रतिनिधी : मागून भरधाव वेगात चालकाने दुचाकी आणत पुढील दुचाकीला जोरदार धडक दिली. या घटनेत दोघे मित्र रस्त्यावर फेकले जावून जखमी झाले. शुक्रवारी रात्री साहेदहा वाजेच्या सुमारास हा अपघात जळगाव अजिंठा मार्गावर चिंचोली ते उमाळा दरम्यान झाला. याप्रकरणी शनिवारी दुचाकी चालकाविरोधात एमआयडीसी पोलीस ठाण्यात गुन्हा दाखल करण्यात आला.
साहील शहा अजिज शहा (वय २३, रा. खडका चौफुली, भुसावळ) तसेच त्यांचा मित्र समिर शेख रफिक (रा.भुसावळ) असे दोघे मित्र दुचाकी (एमएच २३ डीजे ३३६३) ने भुसावळकडे जात होते. दरम्यान, मागून दुचाकी (एमएच १९ ईएल ९६७९) वरील चालक रस्त्याच्या परिस्थितीकडे दुर्लक्ष करत भरधाव वेगात ताब्यातील वाहन आणत होता. साहील याच्या दुचाकीला मागून या दुचाकीने जोरदार धडक देताच दोघे मित्र रस्त्यावर फेकले गेले. या घटनेत साहील याच्या उजव्या हातापायाला तसेच समीर शेख याच्या डाव्या हाताला व उजव्या पायाला गंभीर दुखापत झाली.
