जळगाव (प्रतिनिधी) माजी मंत्री आ. गिरीश महाजन यांच्या व्हिडिओवर आक्षेपार्ह व बदनामीकारक कमेंट करणाऱ्या अज्ञात इसमाविरूध्द जळगाव सायबर पोलिस ठाण्यात गुन्हा दाखल करण्यात आला आहे. एका इसमाने त्याची स्वत: ची ओळख लपवून बनावट फेसबुक खाते तयार करून आक्षेपार्ह व बदनामीकारक कमेंट केली.
यासंदर्भात अधिक असे की, पोलिसांनी दिलेल्या माहितीनुसार अज्ञात इसमाने त्याची स्वत: ची ओळख लपवून बनावट फेसबुक खाते तयार केले. या फेसबुक खात्यावरून त्याने ११ नोव्हेंबर रोजी माजी मंत्री आमदार गिरीश महाजन सपोर्टर या नावाचे फेसबुक खात्यावरील आमदार गिरीश महाजन यांच्या व्हिडिओवर आक्षेपार्ह व बदनामीकारक कमेंट केली. अशा आशयाच्या तुषार पुरुषोत्तम चौधरी (वय २८ रा. प्रेमनगर जामनेर) यांच्या तक्रारीवरून अज्ञात इसमाविरोधात जळगाव सायबर पोलीस ठाण्यात गुन्हा दाखल झाला आहे.
