मुंबई (वृत्तसंस्था) मध्य प्रदेशच्या मोरेना जिल्ह्यात एका अल्पवयीन मुलाला कोरोना लस दिल्याचं प्रकरण समोर आलं आहे. जिल्ह्यातील अंबाह तहसीलमधील बाग का पुरा परिसरात एका १६ वर्षीय मुलाला कोरोनाची लस दिल्यानंतर यानंतर त्याची प्रकृती बिघडू लागली. हे प्रकरण समोर आल्यानंतर अधिकाऱ्यांनी चौकशीचे आदेश दिले आहेत.
सूत्रांनी सांगितलं की, कमलेश कुशवाह यांचा मुलगा पिल्लू याला शनिवारी मोरेना जिल्हा मुख्यालयापासून सुमारे ३५ किमी अंतरावर लसीकरण केंद्रात लसीकरण करण्यात आलं, त्यानंतर त्याला चक्कर येऊ लागली आणि त्याच्या तोंडातून फेस येऊ लागला. लसीकरणानंतर मुलाची तब्येत खालावली. अंबाह इथल्या डॉक्टरांनी त्याला उपचारांसाठी ग्वाल्हेरला पाठवलं. आजारी पडल्यानंतर त्याच्या कुटुंबाने लसीकरण केंद्रात गोंधळ घातला.
मोरेना जिल्ह्याचे मुख्य वैद्यकीय आणि आरोग्य अधिकारी डॉ. एडी शर्मा म्हणाले, ‘अल्पवयीन मुलाला कोविड -१९ लस कशी दिली गेली? याचा शोध घेण्याचं आदेश देण्यात आलं आहेत. अल्पवयीन मुलाचे आधार कार्ड तपासले जाईल. त्याच्या आधार कार्डनुसार तो १६ वर्षांचा आहे.
