जयपूर (वृत्तसंस्था) एक महिला आपल्या सुनेला घेण्यासाठी तिच्या माहेरी गेली होती. या महिलेला मारहाण करण्यात आली. इतकंच नाही तर महिलेनं आरोप केला की तिच्या गुप्तांगात मिरची पावडर टाकली गेली. याप्रकरणी दोन महिलांना ताब्यात घेण्यात आलं आहे. ही घटना राजस्थानच्या बारमेर जिल्ह्यातील आहे. याबाबतचा एक व्हिडिओ सोशल मीडियावर मोठ्या प्रमाणात व्हायरल होत आहे.
पोलिसांचं असं म्हणणं आहे की एक महिला आपल्या मुलाच्या बायकोला घरी घेऊन जाण्यासाठी तिच्या माहेरी सिणधरी कमठाई येथे गेली होती. यादरम्यान मुलाच्या सासरकडच्या काही महिलांसोबत त्यांचा वाद झाला. हा वाद इतका वाढला की याठिकाणच्या दोन महिलांनी महिलेला मारहाण केली. यानंतर तिच्या गुप्तांगात मिरची पावडर टाकली. या घटनेचा कोणीतरी व्हिडिओदेखील बनवला. हा व्हिडिओ सोशल मीडियावर व्हायरल झाला आणि व्हिडिओ पोलिसांपर्यंत पोहोचला. आता याप्रकरणी पोलिसांनी दोन महिलांना अटक केली आहे. पोलिसांचं म्हणणं आहे की हा व्हिडिओ एका आठवड्यापूर्वीचा आहे.
व्हायरल होणाऱ्या व्हिडिओमध्ये दोन महिला पीडितेला पकडताना दिसत आहेत. पीडितेनं आरोप केला आहे की दोन महिलांनी जबरदस्ती तिच्या प्रायव्हेट पार्टमध्ये मिरचीसारखं काहीतरी टाकलं. महिलेनं स्वतःला वाचवण्याचा भरपूर प्रयत्न केला. मात्र दोन महिलांनी तिला पकडून तिच्यासोबत विचित्र कृत्य केलं. पोलिसांचं म्हणणं आहे की दोन्ही महिलांना अटक करण्यात आली आहे. सध्या महिलांची चौकशी केली जात आहे. पोलीस व्हिडिओ बनवणाऱ्या व्यक्तीचाही शोध घेत आहेत.
