जळगाव (प्रतिनिधी) जिल्हा क्रीडाशिक्षक महासंघ आयोजित जिल्हास्तरीय गुणवंत क्रीडाशिक्षक पुरस्कार सोहळा नुकताच संपन्न झाला. राज्याचे सार्वजनिक पाणीपुरवठा व स्वच्छता मंत्री तथा जिल्ह्याचे पालकमंत्री ना.गुलाबराव पाटील, जिल्हा माध्यमिक शिक्षणाधिकारी बी.जे.पाटील, महाराष्ट्र राज्य ॲथलेटिक्स असोसिएशनचे उपाध्यक्ष शिवछत्रपती पुरस्कारथी डॉ.नारायण खडके, महाराष्ट्र राज्य शारीरिक शिक्षण व क्रीडाशिक्षक महासंघाचे उपाध्यक्ष आनंद पवार, नगरसेवक नितीन बरडे यांचे हस्ते सचिन लोटन सुर्यवंशी ( सा. दा. कुडे माध्य. विद्यालय धरणगांव ) यांना पुरस्कार प्रदान करण्यात आला.
क्रीडा संकुलाचा अध्यक्ष या नात्याने क्रीडाशिक्षक ,खेळाडू, व क्रीडा संघटना यांना योग्य न्याय दिला जाईल असे प्रतिपादन पालकमंत्री यांनी केले तर कोरोना काळात क्रीडाशिक्षक यांनी देखील महत्वाची भूमिका बजावली आहे. असे प्रतिपादन शिक्षणाधिकारी बी.जे.पाटील साहेब यांनी केले कार्यक्रमाचे सूत्रसंचालन जिल्हा क्रीडाशिक्षक महासंघाचे कार्याध्यक्ष प्रशांत कोल्हे, प्रास्ताविक अध्यक्ष डॉ. प्रदिप तळवलकर यांनी पुरस्कारा विषयी माहिती सचिव राजेश जाधव यांनी दिली तर आभार प्रदर्शन उपाध्यक्ष प्रशांत जगतात यांनी केले.
जिल्हास्तरीय गुणवंत क्रीडाशिक्षक पुरस्कार-
शालेय क्रिडा स्पर्धा, तालुका, जिल्हा, विभाग व राज्यस्तरावर आदर्श खेळाडू तयार करून आतोनात परिश्रम घेतले, विद्यार्थी प्रिय, असणारे सचिन लोटन सुर्यवंशी (सारजाई कुडे विद्यालय धरणगाव) यांना जळगांव जिल्हाक्रिडा शिक्षक महासंघाच्या वतीने गुणवंत क्रिडा शिक्षक पुरस्कार मा.ना. पालकमंत्री भाऊ सो. गुलाबराव पाटील, शिक्षणाधिकारी बी.जे. पाटील साहेब यांच्या मार्फत पुरस्कार प्रदान करण्यात आला. कार्यक्रम यशस्वीतेसाठी प्रवीण पाटील, किशोर पाटील, योगेश सोनवणे, समीर घोडेस्वार, विजय विसपुते, गिरीश महाजन, उमाकांत जाधव, पंकज पाटील जिल्हा क्रीडाशिक्षक महासंघ व जिल्हा युवा क्रीडाशिक्षक महासंघाचे पदाधिकारी यांनी परिश्रम घेतले.
