चाळीसगाव (प्रतिनिधी) जळगाव जिल्ह्याचे पालकमंत्री तथा महाराष्ट्र राज्याचे पाणीपुरवठा व स्वच्छता मंत्री ना. गुलाबराव पाटील यांच्या बद्दल खा. निलेश राणे यांनी अपशब्द वापरून त्यांचा अवमान करण्याचा प्रयत्न केला. त्याचा शिवसेनेतर्फे सर्वत्र निषेध होत असून याचाच भाग म्हणून चाळीसगाव तालुका शिवसेनेतर्फे चाळीसगाव पोलीस निरीक्षक के.के. पाटील यांना निवेदन देऊन निलेश राणे यांच्यावर गुन्हा दाखल करण्यात यावा, अशी मागणी करण्यात आली.
यावेळी निलेश राणे यांचे विरोधात शिवसैनिकांनी प्रचंड संताप व्यक्त करीत निषेधाच्या घोषणा दिल्या. सदर प्रसंगी शिवसेनेचे जिल्हा समन्वयक महेंद्र पाटील, तालुकाप्रमुख रमेश चव्हाण, शहर प्रमुख नाना कुमावत, तालुका प्रवक्ता दिलीप घोरपडे, धर्मा काळे, सुनील गायकवाड, वसीम चेअरमन संजय ठाकरे, निलेश गायके, मिर्झा भाई, संजय संतोष पाटील, रवींद्र चौधरी, शैलेंद्र सातपुते, रामेश्वर चौधरी, विलास भोई, अनिल राठोड, आप्पा देवरे, जयेंद्र पाटील, दिलीप पाटील, राजेंद्र शिंदे, महिला आघाडीच्या प्रतिभा पवार, सुनंदा काटे, नकुल पाटील, सागर पाटील, हेमंत पाटील, अशोक सानप, जितेंद्र बोंदार्डे, रॉकी धामणे, धना रावते आदी उपस्थित होते.
