धरणगाव (प्रतिनिधी) ऑक्सिजन अभावी चार रुग्णांचा मृत्यू झाल्याचे वृत्त आल्यानंतर जिल्हा आरोग्य अधिकाऱ्यांनी आज धरणगाव ग्रामीण रुग्णालयातील अधिकाऱ्यांची चांगलीच झाडाझडती घेतली.
ऑक्सीजन सिलेंडरचा पुरवठा नसल्याने जिल्हा आरोग्य अधिकाऱ्यांनी तात्काळ चाळीस सिलेंडरची व्यवस्था करून दिली. त्याचबरोबर अकरा पेशंट यांना जास्त प्रमाणात ऑक्सिजनची आवश्यकता असल्याने त्यांना देखील गोदावरी हॉस्पिटलला पाठवण्याची व्यवस्था केली. त्याचबरोबर दहा आरोग्य अधिकाऱ्यांची २४ तास ड्युटी धरणगाव येथील सेंटरला लावण्याचे आदेश देण्यात आले. त्याचबरोबर औषध साठा संपलेला असल्यामुळे तातडीने औषधसाठा मागवण्यात आला. तसेच कामात दिरंगाई टाळाटाळ केल्यास त्यांनादेखील निलंबित करण्याचे आदेश प्रांत विनय गोसावी यांनी दिले आहेत. त्यावेळी त्याठिकाणी उपस्थित सहाय्यक जिल्हा चिकित्सक डॉक्टर तासखेडकर, डॉ. सौ सोनटक्के, तालुका आरोग्य अधिकारी डॉ. संदीप सोनवणे, वैद्यकीय अधिकारी गिरीश चौधरी, डॉक्टर बन्सी, प्रांत विनय गोसावी, तहसीलदार नितींकुमार देवरे, शिवसेनेचे जिल्हाप्रमुख गुलाबराव वाघ, चर्मकार समाजाचे राष्ट्रीय कार्याध्यक्ष भानुदास विसावे, शिवसेना गटनेते पप्पू भावे, राहुल रोकडे, लोकमतचे पत्रकार कल्पेश महाजन उपस्थित होते.
