जळगाव (प्रतिनिधी) – महाविद्यालयात बहिणीच्या वर्गात शिक्षण घेणाऱ्या घटस्फोटीत महिलेसोबत ओळख झाली. त्यानंतर सोशल मीडियावर दोघांचा संपर्क वाढल्यानंतर तिला लग्नाचे अमिष दाखवून तिच्यावर मार्च २०२४ ते ऑक्टोंबर २०२४ दरम्यान अत्याचार केला. याप्रकरणी ३३ वर्षीय पीडितेने दिलेल्या फिर्यादीवरुन संशयित सोमनाथ सुरेश गोपाळ (रा. चुंचाळे, नाशिक) याच्याविरुद्ध एमआयडीसी पोलिसात गुन्हा दाखल करण्यात आला आहे.
शहरातील एका परिसरात ३३ वर्षीय महिला मुलासह वास्तव्यास असून तीचा घटस्फोट झाला आहे. ती महिला ज्या महाविद्यालयात शिक्षण घेत होती, तेथेच तिच्या बहिणीच्या वर्गात शिक्षण घेत असलेल्या सोमनाथ सुरेश गोपाळ (रा. चुंचाळे, नाशिक) याची तिच्यासोबत एकदा भेट झाली होती. त्यानंतर दोघांमध्ये सोशल मीडिया व अन्य प्रकारे संपर्क वाढला. त्यातून त्याने तिला लग्नाचे अमिष दाखवून मार्च २०२४ ते ऑक्टोबर २०२४ या दरम्यान वेळोवेळी अत्याचार केला. त्यानंतर एवढे दिवस होऊनही तो लग्न करीत नसल्याने पीडित महिलेने २९ जून रोजी एमआयडीसी पोलिस ठाण्यात फिर्यात दिली. त्यावरून सोमनाथ गोपाळ याच्याविरुद्ध बलात्काराचा गुन्हा दाखल करण्यात आला आहे. तपास सहायक निरीक्षक माधुरी बोरसे करीत आहेत.
जवान कर्नाटक येथे गेल्याची माहिती घटस्फोटीत महिलेवर अत्याचार करणारा सोमनाथ गोपाळ हा इंडो-तिबेटन बॉर्डर बटालियनचा जवान असून तो नाशिक येथे राहत असून तो देखील विवाहित आहे. सध्या तो कर्नाटक येथे गेल्याची माहिती पोलिसांना मिळाली असून त्याचा पोलिसांकडून शोध घेतला जात आहे.
