धरणगाव (प्रतिनिधी) येथील रहिवासी खर्दे माध्यमिक विद्यालयाचे चेअरमन ॲड वसंतराव भोलाणे यांचे चिरंजीव डॉ. शुभम भोलाणे एमबीएस उतीर्ण झाले असून त्यांनी वैद्यकीय क्षेत्रात प्रवेश केला असून त्याबद्दल त्यांचा धरणगाव येथे पी एम पाटील मित्र परिवार व जय भवानी मित्र मंडळ लांडगे गल्लीतर्फे त्यांचा निवास स्थानी जाऊन सत्कार करण्यात आला.
डॉ. शुभम भोलाणे यांनी सांगितले जास्तीत जास्त गरीब व होतकरू व त्यांना कोणाचा आधार नसेल अशा रुग्णांची सेवा करणे मला पसंत असून धरणगावातील व परिसरातील जास्त जनतेची सेवा करण्याचा मनोदय असल्याचे त्यांनी सांगितले. मराठा समाजाचे नगराध्यक्षपदाचे प्रथम मानकरी पी एम पाटील यांनी त्यांचा बुके देऊन सत्कार केला. याप्रसंगी ॲड वसंतराव भोलाणे, उद्योगपती दिनेश कंखरे, शिवसेना उपशहर प्रमुख रवींद्र जाधव, नगरसेवक नंदू पाटील, युवासेनेचे कमलेश बोरसे, पत्रकार योगेश पी. पाटील उपस्थित होते.
