कोल्हापुर (वृत्तसंस्था) कोल्हापूर उत्तरच्या विधानसभेसाठी प्रचार शिगेला पोहोचला आहे. यामध्ये मोठ्या प्रमाणात पैसेवाटपाची तयारी सुरू असल्याचा आरोप चंद्रकांत पाटील यांनी केला आहे. १००० रुपये तुमच्या अकाऊंटला आले, तरी तुमची ईडी चौकशी होईल. आजच मी ईडीला पत्र लिहित असल्याचं त्यांनी स्पष्ट केलं आहे.
चंद्रकांत पाटील पुढे म्हणाले की, पेटीएमच्या माध्यमातून मतदारांना पैसे देण्याची ही तयारी आहे. मोठ्या प्रमाणात काळात पैसा पेटीएमच्या माध्यमातून पैसे ट्रान्सफर होणार आहेत. मतदारांच्या खात्यांमध्ये एक हजार रुपये आल्याचा आरोप चंद्रकांत पाटील यांनी केला आहे. पेटीएममार्फत हे पैसे वाटप झाल्याचं त्यांनी म्हटलंय. एका काँग्रेसच्या नेत्याने दारूच्या दुकान मालकांची बैठक घेतली. एका अधिकाऱ्याने काँग्रेसला मतदान करण्याचा दम देखील भरला. आम्ही या अधिकाऱ्यांना घेराव घालू. पीडीसीसीत दमबाजी, गोकुळमध्ये दमबाजी सुरू आहे,असाही आरोप पाटील यांनी केला आहे.
