मुंबई (वृत्तसंस्था) केंद्रातून कुणीही उठतो आणि महाराष्ट्राची बदनामी करतो. त्यावर इथले नेते गांडुळासारखे बसलेत. पण आम्ही गांडूळ नाही. उद्या शिवसेना पक्ष नाही. तर महाराष्ट्र, मराठी माणूस बोलणार आहे. महाराष्ट्र काय आहे हे तुम्हाला उद्या कळेल. तुमचे धंदे उद्या बंद होतील, असा इशारा शिवसेना प्रवक्ते खासदार संजय राऊत यांनी दिलाय.
उद्या शिवसेना पक्ष नाही, तर महाराष्ट्र, मराठी माणूस बोलणार आहे. जनतेने माझी उद्याची पत्रकार परिषद ऐकायलाच हवी. भाजप आणि केंद्रीय तपास यंत्रणाचे प्रमुख आहेत त्यांनीही पत्रकार परिषद ऐकायला हवी. सगळ्यांना उद्या कळेल महाराष्ट्र काय आहे, असे वक्तव्य संजय राऊत यांनी केलं आहे.
उद्या हे विचारतील शिवसेना म्हणजे महाराष्ट्र का ? विचारतील तर होय शिवसेना म्हणजे महाराष्ट्र आहे. कोणीही उठतो प्रधानमंत्री आणि महाराष्ट्र बदनाम करतो, इथले भाजपचे गांडुळ शांत बसतील. पण महाराष्ट्र ऊसळेल , नुसतं उठणार नाही ,, महाराष्ट्राचे वंशज आहोत ,हे दाखाऊन देऊ, असे वक्तव्य संजय राऊत यांनी केलं आहे. ‘त्यांच्या रक्तात धाडस नाही, आमच्या रक्तात धाडस आहे, ते दाखवून देऊ. उद्या स्वतः पक्षाप्रमुखांचं या पत्रकार परिषदेवर लक्ष असेल, त्यांच्या मार्गदर्शनात ही पत्रकार परिषद होईल. ही पोलखोल नाही, त्याना खोलायला किती वेळ लागतो ? ते पोकळ आहेत, असे संजय राऊत म्हणाले.’
पुढे राऊत म्हणाले की, उद्या आम्ही बोलणार तेव्हा संपूर्ण देश ऐकेल. उद्या काय होते ते बघाच. आता मी काहीच सांगणार नाही. उद्याच काय ते सांगू, असे सांगतानाच हमने बहोत बर्दाश्त किया है, अब बर्बादही हम करेंगे, असा इशारा संजय राऊत यांनी दिला आहे. गेल्या काही दिवसांपासून जी काही दादागिरी चालली आहे त्याला आम्ही उत्तर देऊ. केंद्रीय तपास यंत्रणेच्या माध्यमातून शिवसेना, ठाकरे परिवारावर आरोपांचा चिखल उडवला जातोय, त्याला आम्ही उत्तर देऊ. हा जेलमध्ये जाईल तो जेलमध्ये जाईल. देशमुखांच्या बाजूच्या कोठडीत असेल असे काही जण बोलत आहेत. पण आता देशमुख कोठडीबाहेर असतील आणि भाजपचे साडेतीन नेते अनिल देशमुखांच्या कोठडीत असतील. भाजपचे साडेतीन लोकं लवकरच तुरुंगात असतील, असा दावा राऊत यांनी केला आहे. त्यामुळे हे साडेतीन लोकं कोण? याकडे सर्वांचे लक्ष लागले आहे.
डोक्यावरुन खूप पाणी गेलंय?
संजय राऊत म्हणाले की, आम्ही खूप सहन केले आहे आणि आता आम्हीच बर्बाद पण करणार, डोक्यावरुन खूप पाणी गेलंय? आता बघाच, असे म्हणत संजय राऊत यांनी भाजपला इशारा दिला आहे. उद्या राऊत शिवसेना भवनात पत्रकार परिषद घेणार आहे. तिथे संपूर्ण पक्षासह पदाधिकारी, सर्व आमदार, खासदार उपस्थित असतील. मी आताच बोलणार नाही, उद्या सर्व गोष्टींवर उत्तर मिळेल असे राऊत म्हणाले.
त्यांचा पेपर मी का फोडू – नाना पटोले
संजय राऊत यांनी दिलेल्या इशाऱ्यावर काँग्रेस नेते नाना पटोले यांनी प्रतिक्रिया दिली आहे. शिवसेना उद्या ज्या साडेतीन शहाण्यांबद्दल बोलणार आहेत, त्यांचा पेपर मी आज का फोडू? एक नक्की आहे की आज त्या साडेतीन शहाण्यांना झोप लागणार नाही, मला माहित आहे ते कोण आहेत, पण जरा सस्पेन्स राहू देत, असे नाना पटोले यांनी म्हटले आहे.
नागरिकांसमोर वस्तुस्थिती मंडणायसाठी ही पत्रकार परिषद – अनिल देसाई
उद्या शिवसेना भवनात पत्रकार परिषद आहे. त्या बैठकीत शिवसेना नेते , खासदार सगळे जमणार आहेत. शिवसेनेला शक्तिप्रदर्शन करण्याची गरज नाही. पण शिवसैनिक स्वतः उद्या जमतील. आम्ही कोणाला बोलवत नाही ,शिवसैनिक स्वतः येतील. ज्या घडामोडी सुरू आहेत , काय काय केलं जातंय , दबाव टाकला जातो, त्यावर उद्या बोलतील. उद्या कोण कोणाच्या रडारवर आहे ते कळेल. जनतेसमोर, सरकार समोर प्रत्येक नागरिकांसमोर वस्तुस्थिती मंडणायसाठी ही पत्रकार परिषद आहे, असे शिवसेना नेते अनिल देसाई म्हणाले आहेत.
