लाहोर (वृत्तसंस्था) पाकिस्तानमध्ये महिला आमदाराचा कथित अश्लील व्हिडीओ सोशल मीडियावर चांगलाच व्हायरल झाला असून त्यामुळे त्या देशात एकच खळबळ उडाली आहे. दरम्यान, आमदाराचा अश्लिल व्हिडिओ व्हायरल करून धमकावल्याप्रकरणी एका व्यक्तीला अटक करण्यात आली आहे. ज्या महिला आमदाराचा व्हिडीओ व्हायरल झालाय तिचं नाव सानिया आशिक असं आहे.
पाकिस्तानमधील एका वृत्तवाहिनीच्या माहितीनुसार, सानिया आशिक पाकिस्तानच्या मुस्लीम लीग नवाजच्या सदस्य आहेत. त्या पंजाब प्रांतातील तक्षशिला येथील आमदार आहेत. नुकताच पाकिस्तानमध्ये एक अश्लील व्हिडीओ व्हायरल झाला आहे. हा व्हायरल व्हिडीओ एका रुममध्ये शूट करण्यात आला आहे. यामध्ये एक महिला नग्नावस्थेत दिसत आहे. व्हायरल झालेल्या व्हिडीओमध्ये ही महिला आमदारच असल्याचा दावा केला जातोय. या महिला आमदाराच्या नावानेच हा व्हिडीओ व्हायरल होतोय. हे प्रकरण लक्षात आल्यानंतर सानिया यांनी पोलिसांकडे यासंदर्भात तक्रार नोंदवली.
सानिया यांनी यापूर्वी २६ ऑक्टोबर रोजी तपास यंत्रणांकडे टिकटॉक आणि अन्य सोशल नेटवर्किंग व्हायरल झालेल्या एका व्हिडीओ संदर्भात एका अज्ञात व्यक्तीविरोधात तक्रार दाखल केली होती. तक्रार दाखल करण्यात आल्यानंतर या प्रकरणाचा तपास सायबर विभागाकडे सोपवण्यात आला. तपासादरम्यान बुधवारी हा व्हिडीओ व्हायरल केल्याप्रकरणी एका व्यक्तीला अटक करण्यात आलीय. सध्या आरोपीच्या विरोधात वेगवगेळ्या कलमांअंतर्गत गुन्हा दाखल करण्यात आलाय.
