जळगाव (प्रतिनिधी) संपूर्ण जिल्ह्यासह राज्याला हादरवून सोडणाऱ्या जीएसटी घोटाळा प्रकरणी काही महत्वपूर्ण दस्तऐवज ‘द क्लीअर न्यूज’च्या हाती लागले आहेत. त्यानुसार जीएसटी घोटाळ्यातील तब्बल ८४ बनावट फर्मची यादी समोर आली आहे. धक्कादायक म्हणजे या यातील काही फर्मच्या नावांचा उल्लेख एका ‘ऑडीओ क्लिप’मध्ये स्पष्टपणे ऐकलायला मिळतोय. या क्लिपमध्ये पुणे येथील एका बडा अधिकारी आणि जळगावमधील एक व्यक्तीमधील कथित संवाद आहे.
डीजीजीआयचे वरिष्ठ गुप्तचर अधिकारी ब्रिज भूषण त्रिपाठी यांच्या पथकाने बुधवारी धाड टाकली होती. त्यानुसार एका स्टील कंपनीच्या जीएसटीच्या पत्त्यावर चक्क मेडिकल सुरु असल्याचे आढळून आले होते. तर अन्य एकाला आपल्या नावावर स्टील कंपनी असल्याचे माहितच नव्हते. डीजीजीआयच्या पथकाने बुधवारी जळगावमधून पिंटू इटकरेला घेतले होते. शुक्रवारी पिंटू इटकरेला सायंकाळी नाशिक कोर्टात हजर केले असता १४ दिवसांची न्यायालयीन कोठडी सुनावण्यात आली होती. त्यानंतर आज इटकरेने आज जामीन अर्ज मंजूर करण्यात आला आहे.
दुसरीकडे जीएसटी घोटाळा प्रकरणी काही महत्वपूर्ण दस्तऐवज ‘द क्लीअर न्यूज’च्या हाती लागले आहेत. त्यानुसार २०१७-१८ च्या यादीत २६ फर्मची नावे आहेत. यातील १२ फर्म पुणे येथील पत्त्यावर आहेत. तर १ जळगाव आणि उर्वरित १३ फर्मचे मुंबई येथील आहेत. दुसऱ्या यादीत तब्बल ५८ फर्मची नावे असून यातही २२ फर्म पुण्याच्या पत्त्यावर आहेत. तर उर्वरित फर्म ३६ फर्म मुंबईच्या पत्त्यावर आहेत. विशेष म्हणजे या यातील काही फर्मच्या नावांचा उल्लेख एका ‘ऑडीओ क्लिप’मध्ये स्पष्टपणे ऐकलायला मिळतो. या क्लिपमध्ये जळगावमधील एक व्यक्ती आणि पुणे येथील एका बड्या अधिकाऱ्यामधील कथित संवाद आहे. दरम्यान, सूत्रांनी दिलेल्या माहिती नुसार हा जीएसटी घोटाळा १०० कोटीच्या घरात आहे. जवळपास १०० हून अधिक खात्यातून हा व्यवहार झाला असून मुख्यसूत्रधार तथा लाभार्थी जळगावचा असल्याचे समोर आले आहे.
