नवी दिल्ली (वृत्तसंस्था) केंद्रीय तपास यंत्रणा ईडी अर्थातच अंमलबजावणी संचालनालयाच्या नावाखाली उद्योजक आणि व्यावसायिकांकडून करोडो रुपये उकळणाऱ्या एका टोळीचा पर्दाफाश करण्यात आलाय. दिल्ली पोलीस आणि ईडीने संयुक्त कारवाई करत तीन आरोपींना अटक केली आहे. यात फसवणूक करणारा मुख्य आरोपी हा ‘गोडसे’ नावाच्या चित्रपटात मुख्य अभिनेता डॉ. संतोष राय उर्फ राजीव सिंह आहे.
केंद्रीय तपास यंत्रणा EDच्या नावानं फसवणूक करणाऱ्यांवर मोठी कारवाई करण्यात आली आहे. दिल्ली पोलीस आणि ईडीनं ही संयुक्त कारवाई केली. याप्रकरणी दिल्ली पोलिसांच्या गुन्हे शाखेच्या पथकानं तीन आरोपींना अटक केली. संबंधित आरोपी ईडीच्या नावानं शहरातील बड्या उद्योजक आणि व्यावसायिकांना नोटीस पाठवायचे. तसेच चौकशीसाठी बोलावण्याच्या नावाखाली बेकायदेशीर पैसे उकळत होते. तसेच बेकायदेशीरपणे मिळवलेल्या या पैशाचा वापर चित्रपट निर्मितीसाठी करण्यात येत असल्याची माहितीही उघड झाली आहे. फसवणूक करणाऱ्या मुख्य आरोपीचं नाव डॉ. संतोष राय उर्फ राजीव सिंह आहे.
संबंधित आरोपीनं शहरातील बड्या उद्योजक आणि व्यावसायिकाना मोबाईल अॅप्लिकेशनद्वारे फोन करत आपण ईडीचे अधिकारी असल्याचं सांगत. तसेच ईडी मुख्यालयाच्या लँडलाईन क्रमांकाशी मिळत्या जुळत्या नंबरवरून व्यावसायिकांना धमकी देण्यात येत होती. अशा पद्धतीनं आरोपीनं अनेक व्यावसायिकांना करोडो रुपयांना गंडा घातला आहे. या प्रकरणाचा अधिक तपास केला जात आहे.
