पाचोरा (प्रतिनिधी) बनावट दस्ताऐवज तयार करुन ते दस्ताऐवज हे खरे असल्याचे भासवून एका ५० वर्षीय व्यक्तीची १०, लाख २० हजार ६२५ रुपयांत फसवणूक केल्याचा प्रकार समोर आला आहे. याप्रकरणी पाचोरा पोलीस ठाण्यात जळगाव सहकारी संस्थेतील सहाय्यक निबंधक यांच्यासह दोन जणांविरुद्ध गुन्हा दाखल करण्यात आला आहे.
यासंदर्भात पंकज श्रावण सोनार (वय ५०, रा. बंगला नं ५, बिल्डिंग नं १, रूम नं २ एअरपोर्ट रोड पुणे) यांनी दिलेल्या फिर्यादीनुसार, २०११-१२ ते २०१५/१६ चे दरम्यान प्रताप बाबा पाडवी सहाय्यक निबंधक सहकारी संस्था जळगाव हे निवडणुक निर्णय अधिकारी म्हणुन नियुत्त असतांना त्यांनी श्री समर्थ टूर्स ट्रॅव्हल (रा. पांडव नगर, आदर्श नगर जळगाव) व कपिल प्रिंटर प्रो प्रा. विलास जोगेंद्र बेंडाळे (रा. जळगाव) याचेशी संगनमताने करुन वेळोवेळी बँकेचे फसवणुक करण्याचे उद्देशाने बनावट दस्ताऐवज तयार केले. तसेच ते बनावट दस्ताऐवज हे खरे आहे असे भासवून कपिल प्रिंटर्स, समर्थ टूर्स अँड ट्रॅव्हल्स, स.भा.पा. शाळा इमारत भाडे, रोखीने खोटे व बनावट बिले खर्च दर्शवून बँकेकडुन १०, लाख २० हजार ६२५ रुपये रक्कमेची फसवणुक करुन अपहार केला. याप्रकरणी पाचोरा पोलीस ठाण्यात जळगाव सहकारी संस्थेतील सहाय्यक निबंधक यांच्यासह दोन जणांविरुद्ध गुन्हा दाखल करण्यात आला आहे. पुढील तपास पोउपनिरि गणेश चौबे हे करीत आहेत.
