शिरपूर (प्रतिनिधी) बालाजी नगरीचे उद्योगपती तथा येथील नगरपालिकेचे बांधकाम समितीचे सभापती तपनभाई मुकेशभाई पटेल यांचा अपघाती मृत्यू झाला आहे. ३० रोजी पहाटे १ वाजेच्या सुमारास हा अपघात महामार्गावरील शिरपूर फाट्यानजिक असलेला टोलनाक्यासमोरील हॉटेल गॅलेक्झीसमोर झाला.
मुकेशभाई पटेल हे सावळदे निम्स कॅम्पसमधून घराकडे येत असतांना महामार्गावरील शिरपूर टोल नाक्याजवळ दुभाजकाला ठोकल्या गेल्यामुळे जागीच मृत्यू झाल्याची घटना घडली. उद्योगपती तपनभाई पटेल हे आपल्याकडे आलेल्या पाहुण्याला सोडविण्यासाठी महामार्गावरील सावळदे येथील मुकेशभाई पटेल कॅम्पसमध्ये गेले होते.त्यां सिडून घरी परत येत असतांना महामार्गावरील हॉटेल गॅलेक्झीसमोर दुभाजकाला ठोकल्यामुळे गाडीचा पुढील भाग धडकला. दरम्यान, वेग अधिक असल्यामुळे गाडी रस्त्याच्या विरूध्द दिशेला जावून आदळली. या अपघातात त्यांचा जागीच मृत्यू झाला. शिवसेनेचे माजी खासदार स्व़मुकेशभाई पटेल यांचे तो पुत्र तर माजी मंत्री अमरिशभाई पटेल व उपनगराध्यक्ष भूपेशभाई पटेल यांचे ते पुतणे होते. त्यांचा अंत्यविधी आज सायंकाळी ५ वाजता आर.सी. पटेल फार्मसी कॉलेज प्रांगणात सोशल डिस्टन ठेवून केला जाणार आहे.
