जळगाव (प्रतिनिधी) रस्त्यावर उभ्या असलेल्यांना भरधाव दुचाकीस्वाराने दुचाकी जोरदार धडक दिली. या अपघातात जुबेर युनूस खाटीक (वय ३०) त्याचा सात वर्षाचा मुलगा अली व मामा सईद खान मोहम्मद खान (रा. दत्तनगर) हे तिघ गंभीर जखमी झाले. ही घटना दि. १३ रोजी अजिंठा ते नेरीनाक्याकडे जाणाऱ्या रस्त्यावर घडली. याप्रकरणी एमआयडीसी पोलिसात गुन्हा दाखल केला आहे.
शहरातील मास्टर कॉलनीत राहणारा जुबेर युनूस खाटीक हा तरुण वास्तव्यास असून त्याचे चहाचे दुकान आहे. दि. १३ रोजी रात्री साडेआठ वाजेच्या सुमारास जुबेर हा त्याचा मुलगा अली व मामा सईद खान यांच्यासोबत अजिंठा चौफुलीकडे जाण्यासाठी निघाले. यावेळी दुभाजकाच्या पलीकडे एसएसडी या दुकानासमोर उभे असतांना त्यांना भरधाव वेगाने येणाऱ्या (एमएच १९, डीटी ६७१६) क्रमांकाच्या दुचाकीने जोरदार धडक दिली. या अपघातात तिघे गंभीर जखमी झाले, त्यानंतर दुचाकीस्वार तेथून पसार झाला. रुग्णालयात उपचार घेतल्यानंतर दि. १४ रोजी जुबेर युनूस खाटीक यांच्या तक्रारीवरुन गुन्हा दाखल करण्यात आला आहे. तपास पोहेकॉ चंद्रकांत पाटील हे करीत आहे.
