पिंपरी-चिंचवड (वृत्तसंस्था) पिंपरी चिंचवड तळवडे एमआयडीसीतील फटाक्यांच्या गोदामाला आग लागून आगीत सात जणांचा होरपळून मृत्यू झाला आहे. ही घटना दुपारी तीनच्या सुमारास घडली.
पिंपरी- चिंचवडमधील तळवडे या ठिकाणी आगीमध्ये सात जणांचा होरपळून मृत्यू झाला आहे. घटनास्थळी अग्निशमन दलाची वाहन पोहोचली असून जखमी व्यक्तींना रुग्णालयात दाखल करण्याचे काम सुरू आहे. आत्तापर्यंत सहा मृतदेह बाहेर काढण्यात आलेल्या आहेत, आणखी कामगारांचा शोध सुरु आहे. वाढदिवसाल्या लावण्यात येणाऱ्या स्पार्कल्सचा हा कारखाना होता. या लागलेल्या आगीत कारखान्यातील वस्तू जळून खास झाल्या आहेत. या अपघातात आठ जण जखमी झाले आहेत. तर बचाव कार्य युद्धपातळीवर सुरू असून फायर कँडल कंपनी जळून खाक झाली आहे. यात काही जण अडकले असून बचावकार्य सुरू आहे. मृत आणि जखमींचा आकडा वाढण्याची शक्यता आहे.
