भुसावळ (प्रतिनिधी) गाळे विक्री व्यवहारात पैसे घेऊन नोंदणी न करता महिलेस जीवे ठार मारण्याची धमकी दिल्याप्रकरणी शहराचे माजी प्रभारी नगराध्यक्ष अनिल चौधरी यांच्याविरुद्ध बाजारपेठ पोलिस ठाण्यात अदखलपात्र गुन्हा दाखल करण्यात आला आहे.
याबाबत अधिक माहिती अशी की, शहरातील ममता सनांसे (रा. पूजा कॉम्प्लेक्समागील सदगुरू हौसींग सोसायटी) यांना अनिल चौधरी यांच्यात गाळे विक्रीचा व्यवहार ठरला होता. त्यापोटी महिलेने ६० लाख ७० हजार रूपये आरटीजीएसद्वारे चौधरी यांना दिले. गाळा विकणारे चौधरी व गाळा घेणारे सनांसे हे निंबंधक कार्यालयात गेले होते. मात्र कार्यालयातील तांत्रिक अडचणीमुळे विलंब लागणार असल्याने, चौधरी प्रचारासाठी निघून गेले. नंतर चौधरी यांच्याकडून फसवणूक झाल्यामुळे सनांसे यांनी पोलिस अधीक्षकांकडे अर्ज दिला. त्याची चौकशी करण्याचे आदेश अधीक्षकांनी दिल्यावर अनिल चौधरी यांनी महिलेस २७ ऑक्टोबरला धमकी दिली.
दरम्यान, संबंधीत महिलेने जिल्हा पोलीस अधिक्षकांकडे तक्रार अर्ज दाखल केला होता. यानुसार बाजारपेठ पोलीस स्थानकात फसवणूक करून जिवे ठार मारण्याची धमकी दिल्याबद्दल अदखलपात्र गुन्हा नोंदविण्यात आला आहे.
