भुसावळ (प्रतिनिधी) कोरपावली गावचे माजी सरपंच स्व. सत्तार नत्थु पटेल यांच्या प्रथम पुण्यस्मरणानिमित्त भुसावळ येथे रेल्वे स्टेशन, बसस्थानक, आणि इतर भागात त्यांचे सुपुत्र जळगाव जिल्हा काँग्रेस सेवा फाउंडेशनचे जिल्हाध्यक्ष जलीलदादा पटेल यांनी सेवाभाव जोपासत गरजूंना अन्नदान केले.
कोरोनाच्या पार्श्वभूमीवर लॉकडाउनमुळे अनेक कुटुंबियांचा उदरनिर्वाहाचा प्रश्न गंभीर झाला आहे. अशा काळात आपल्या सुख दुःखात नातेवाईकांना बोलवण्यापेक्षा समाजातील उपेक्षितांना मदत करावी. हा उद्देश डोळ्यासमोर ठेऊन माजी सरपंच स्व. सत्तार पटेल यांच्या प्रथम पुण्यसमरणानिमित्त हा उपक्रम राबवला. पुण्यसमरणाच्या पूर्वसंध्येला त्यांचे सुपुत्र जिल्हाध्यक्ष काँग्रेस (SF)जलीलदादा पटेल, त्यांचे नातू रईस पटेल, राहील पटेल, रहीम पटेल, शबनम पटेल, यास्मिन पटेल, रजा पटेल, तन्वीर पटेल, अदनान पटेल, अरशीनबानो पटेल, जबीनबी पटेल आदी उपस्थित होते.
