यावल (प्रतिनिधी) शहरात शुक्रवारी आठवडे बाजार होता. या आठवडे बाजारात गर्दीचा फायदा घेत सायंकाळी सहा वाजेच्या सुमारास सोनीपत सोनी सोलंकी (वय २१) मकरानी बाई सुनील शिसोदिया (वय २५), नसीबाबाई धनराज पवार (वय ३५) व एक अल्पवयीन (सर्व रा. कडाऱ्या, ता. लखाडा जि. उज्जैन, मध्य प्रदेश) हे चौघे बाजारात संशयास्पद रित्या फिरत होते. त्यांनी बाजारातुन मुस्तुफा खान यांचा मोबाईल चोरी केला व त्यांना मोबाईल चोरी करतांना नागरिकांनी रंगेहात पकडलेले व पोलिसांना माहिती देण्यात आली.
पोलीस घटनास्थळी तातडीने दाखल झाले व या चौघांना ताब्यात घेऊन त्यांची झडती घेतली असता त्यांच्याकडे ९४ हजार ०९८ रुपये किमतीचे सहा मोबाईल मिळून आले. तेव्हा या चौघांना पोलिसांनी ताब्यात घेतले. मोबाईल त्यांच्याकडून हस्तगत करण्यात आले व या प्रकरणी मुस्तफा खान मेहबूब खान यांनी दिलेल्या फिर्यादीवरून यावल पोलीस ठाण्यात चोरीचा गुन्हा दाखल करण्यात आला आहे. पुढील तपास पोलीस अधीक्षक प्रदीप ठाकूर यांच्या मार्गदर्शनाखाली हवालदार उमेश सानप करीत आहे.
