नवी दिल्ली (वृत्तसंस्था) राजस्थानमधील जोधपूर येथे लग्नाचं आमिष दाखवून एका तरुणीवर तिचा मित्र आणि अन्य एकाने सामुहिक बलात्कार केल्याची घटना घडली. याबाबत मुलीने तिच्या कुटुंबीयांना माहिती दिली. त्यानंतर पोलिसांनी आरोपींविरुद्ध गुन्हा दाखल केला आहे.
एडीसीपी निशांत भारद्वाज यांनी सांगितले की, उदयमंदिर पोलिस स्टेशन परिसरातील २४ वर्षीय तरुणीची जयपूरच्या रवींद्र सिंहसोबत २५ नोव्हेंबर २०२१ रोजी फेसबुकच्या माध्यमातून मैत्री झाली होती. यानंतर दोघांमधील जवळीक वाढू लागली. रवींद्र सिंगने तरुणीला सांगितले की, लवकरच लग्न करण्याचं आश्वासन दिलं. गेल्या वर्षी २५ नोव्हेंबरला रवींद्र सिंहने पीडित मुलीला राय का बाग भागातील एका हॉटेलमध्ये नेले आणि तेथे त्याने तिच्यावर बलात्कार केला. त्यानंतर मुलगी गरोदर राहिली. यानंतर रवींद्र सिंगने तिचा गर्भपातही करून घेतला.
22 मे रोजी रवींद्र सिंह जोधपूरला पोहोचला आणि तरुणीला हॉटेलमध्ये बोलावले. रवींद्रचा एक मित्रही तिथे होता. रवींद्र आणि त्याच्या मित्राने मुलीवर सामूहिक बलात्कार केला आणि तिला मारहाणही केल्याचा आरोप आहे. या घटनेची माहिती मुलीने कुटुंबीयांना दिली. यानंतर आरोपीविरुद्ध पोलीस ठाण्यात गुन्हा दाखल करण्यात आला. पोलिसांनी मुलीची वैद्यकिय तपासणी केली आहे. जोधपूर पोलीस आयुक्तालयाचे एडीसीपी निशांत भारद्वाज या प्रकरणाचा तपास करत आहेत.
