जळगाव (प्रतिनिधी) राज्य शासनाने जाहीर केलेली नुकसान भरपाईची मदत तसेच पिकविम्याची रक्कम दिवाळीपूर्वी शेतकऱ्यांच्या खात्यात जमा करावी व वाढीव मदत मिळावी. तसेच नुकसान झालेल्या ज्वारी, मका, या पिकांना सुद्धा भरपाई सरसकट मिळावी, असे निवेदन काँग्रेस फाऊंडेशनतर्फे आज जळगाव विमानतळावर राज्याचे मदत आणि पुनवर्सन मंत्री विजय वडेट्टीवार यांना देण्यात आले.
यावेळी काँग्रेसचे नवनियुक्त जिल्हाध्यक्ष प्रदीपदादा पवार, जिल्हाध्यक्ष, काँग्रेस सेवा फाऊंडेशनचे जिल्हाध्यक्ष जलीलदादा पटेल, रावेर लोकसभा अध्यक्ष सद्दामभाई शाह, जिल्हामीडिया प्रमुख तथा कोरपावली गावाचे सरपंच विलास अडकमोल आदी उपस्थित होते. सदर निवेदनावर तालुकाध्यक्ष अभय महाजन, तालुकामीडिया प्रमुख धिरज पाटील, शहराध्यक्ष नईमभाई शेख यांच्या सह्या आहे.
