जळगाव (प्रतिनिधी) जुना निमखेडी रोड व जुना जैन पाईप जवळ तात्काळ पोलीस चौकी किंवा कॅमेरा वाहन उभे करून पोलीस गस्त वाढविण्यात यावी, अशी मागणी राष्द्रावादीचे अँड. कुणाल पवार, गणेश निंबाळकर, कुंदन सूर्यवंशी, नितीन जाधव यांनी पोलीस अधीक्षकांकडे एका निवेदनाद्वारे केली आहे.
निवेदनात म्हटले आहे की, जळगाव शहर सर्व दूर वाढत आहे. त्याचप्रमाणे लोकसंख्या देखील वाढत आहे. सदर परिसरात दूध फेडरेशन, मुक्ताईनगर, निवृत्ती नगर, हाइवे, दर्शन कॉलनी, देवराम नगर, के बी एस कॉलनी, बालाजी अपार्टमेंट, दादा वाडी, श्री राम नगर, खोटे नगर, हिरा शिवा कॉलोनी, विठ्ठल वाडी, आहुजा नगर, पटेल नगर, पोलिस कॉलोनी, कचरा फेक्टरी, आव्हाने शिवार असा मोठा परिसर व्यापला गेला आहे. तालुका पोलिस ठाणे ते शहर पोलिस ठाणे असा मोठा परिसर ह्यात येतो, परंतु दोघी पोलिस ठाण्याच्या जागांमध्ये फार मोठे अंतर आहे. त्यामुळे कायदा व सुव्यवस्थाचा प्रश्न निर्माण होत असतो. तीन महिन्यात दोन मोठ्या खुनाच्या घटना, चोऱ्या, मारामाऱ्या, अपघात तसेच रात्री अपरात्री फिरणारे अनोळखी लोक, मुले, अपराध ह्या परिसरात घडले आहे व घडतात. तसेच महिला, विद्यार्थी, चाकर मानी, जेष्ठ नागरिक, त्या रस्त्यांनी ये जा करत असतात. त्याना मदत व्हावी व महिला विद्यार्थी ज्येष्ट नागरिक दिवसा व रात्री मुक्त फिरू शकतात. ह्यासाठी तात्काळ गस्त वाढवून कैमरा वाहन उभे करून द्यावे, जेणे करून काल सारख्या झालेल्या घटनेला आळा बसेल. कारण प्रत्येक वेळेस पोलिस कर्मचारी हजर राहील, अस होणार नाही म्हणून तात्काळ नागरिकांसाठी ही उपाय योजना करून सहकार्य करावे, असे यात म्हटले आहे.
