धरणगाव (प्रतिनिधी) नाशिक परिक्षेत्राचे विशेष पोलिस महानिरिक्षकांच्या पथकाने आज शहरातील कमल जिनिंगमध्ये मोठ्या प्रमाणात धान्यसाठा जप्त केल्याची माहिती समोर आल्यानंतर प्रचंड खळबळ उडाली होती. दरम्यान, परवाना धारक व्यापाऱ्याला आपण जिनिंग भाड्याने दिलीय. त्यामुळे तिथं कुठलाही अवैध धान्यसाठा असण्याचा प्रश्नच येत नाहीय, अशी प्रतिक्रिया कमल जिनिंगचे मालक दिलीप महाले यांनी ‘द क्लीअर न्यूज’ सोबत बोलताना दिलीय.
या संदर्भात अधिक असे की, नाशिक परिक्षेत्राचे विशेष पोलिस महानिरिक्षकांच्या पथकाला मिळाली होती. त्यानुसार तीन ते चार जणांच्या एका पथकाने आज दुपारी बारा वाजेच्या सुमारास कमल जिनिंगमध्ये अचानक धाड टाकली. यावेळी मोठ्या प्रमाणात गहू आणि तांदूळची पोती आढळून आल्याचे माहिती समोर आली होती. दरम्यान, याबाबत कमल जिनिंगचे मालक दिलीप महाले यांनी ‘द क्लीअर न्यूज’ सोबत बोलताना सांगितले की, मी माझी जिनिंग धान्यव्यापारी निलेश वाणी यांना रीतसर भाडे कराराने दिली आहे. श्री. वाणी हे मार्केट कमिटीतील परवाना धारक व्यापारी आहेत. या परवान्याच्या अधीन राहूनच जिनिंग त्यांना भाडे कराराने दिली आहे. निलेश वाणी हे मार्केटमधून माल खरेदी करतात. त्यानंतर गोडावून म्हणून आपल्या जिनिंगमध्ये विविध प्रकारचे धान्य आणून ठेवत असतात. त्यामुळे घटनास्थळी रेशनचा कुठलाही माल नाहीय. जो माल आहे, तो रीतसर परवाना धारक व्यापारी म्हणून खरेदी केलेला आहे, असल्याचेही दिलीप महाले यांनी सांगितले.
