धरणगाव (प्रतिनिधी) येथे आयोजित करण्यात आलेल्या महाविकास आघाडीच्या मेळाव्यात शिवसेना उध्दव बाळासाहेब ठाकरे पक्षाच्या विविध पदाधिकारी यांचा पक्षप्रमुख उद्धव ठाकरे युवासेना प्रमुख आदित्य ठाकरे यांच्या आदेशानुसार पक्ष संघटना वाढविण्यासाठी नियुक्त्या करण्यात आल्या. यावेळी युवासेना उपजिल्हा प्रमुखपदी हेमंत काशिनाथ महाजन यांची तर विनोद सुरेश रोकडे यांची युवासेना जिल्हा संघटकपदी निवड करण्यात आली.
यावेळी शिवसेना उपतालुका प्रमुख पदी सतीश बोरसे, रणजित सिकरवार, सोपान महाजन तर कार्यालय प्रमुखपदी गोपाल पाटील यांची निवड करण्यात आली. यावेळी शिवसेनेचे संपर्क प्रमुख संजय सावंत सहसपर्क प्रमुख गुलाबराव वाघ, माजी खासदार उन्मेष पाटील, जिल्हा प्रमुख विष्णू भंगाळे, माजी नगराध्यक्ष सुरेशनाना चौधरी, जळगाव लोकसभा मतदार संघाचे उमेदवार करण पवार, युवासेना जिल्हा प्रमुख व लोकनियुक्त नगराध्यक्ष निलेश चौधरी, उपजिल्हा संघटक राजेंद्र ठाकरे, तालुका प्रमुख जयदीप पाटील, शहर प्रमुख भागवत चौधरी, माजी नगरसेवक जितेंद्र धनगर, किरण मराठे, युवासेना शहर प्रमुख परमेश्वर महाजन, लक्ष्मण महाजन यांनी नवनिर्वाचित पदाधिकारी यांना नियुक्ती पत्र देऊन सत्कार करण्यात आला.
