भडगाव (प्रतिनिधी) एटीएम सेंटरमध्ये बोलण्यात गुंतवणून ठेवत एटीएम कार्डची बदली करून एकाला घातला ९५ हजार ७५८ रुपयांचा गंडा घातल्याची घटना उघडकीस आली आहे.
या संदर्भात अधिक असे की, सुदाम मदन जाधव (वय ४८) हे नालबंदी गावी राहतात. ८ लै रोजी दुपारी अडीच वाजेच्या सुमारास भडगाव बस स्थानकासमोरील एटीएम सेंटरमध्ये गेले होते. यावेळी दोन अज्ञात इसमांनी त्यांना बोलण्यात गुंतवणून ठेवत एटीएम कार्डची बदली केली. यानंतर त्यांच्या खात्यातील ९५ हजार ७५८ रुपये काढून घेतले. आपली फसवणूक झाल्याचे लक्षात येताच सुदाम जाधव यांनी भडगाव पोलिसात दोन अज्ञात व्यक्तींविरुद्ध फसवणुकीचा गुन्हा दाखल केला असून पुढील तपास पोहेकॉ सचिन वाबळे हे करीत आहेत.
