जळगाव (प्रतिनिधी) शहरातील एका भाजीपाला विक्रेत्यास तब्बल १३ लाखात फसवणूक केल्याची घटना जळगावात उघडकीस आहे. या प्रकरणी जळगाव शहर पोलीस स्थानकात एका विरोधात फसवणुकीचा गुन्हा दाखल करण्यात आला आहे.
सविस्तर वृत्त असे की, शहरातील संतोष बन्सीलाल जैस्वाल (रा.गजानन नगर, काशिनाथ लॉज समोर) हे आपल्या परिवारास रहिवासास आहे. ते आपल्या परिवाराचा भाजीपाला विक्री करून आपल्या उदरनिवार्ह करतात. गोलाणी मार्केट परिसरात असलेले जय माता दि व्हेजिटेबल या दुकानात दि १४ फेब्रुवारी ते ११ मार्च २०२२ दरम्यान, या भाजीपाला विक्रेत्यास संशयित आरोपी प्रीतेश प्रकाश लोढा (रा.प्रधान बिल्डींग जळगाव) याने हिरवी मिरची व पालेभाज्याचा खूप मोठा व्यापारी असल्याचे भासवत व विश्वास संपादन करून वेळोवेळी रोख रक्कम व आरटीजीएसच्या माध्यमांतून या भाजीपाला विक्रेत्याची तब्बल १३ लाखात फसवणूक केली. याप्रकरणी संतोष जैस्वाल यांनी शहर पोलिसात दिल्याने संशयित आरोपी प्रीतेश प्रकाश लोढाच्या विरोधात गुन्हा दाखल करण्यात आला असून पुढील तपास रविद्र सोनार हे करीत आहेत.
