धरणगाव (प्रतिनिधी) येथे दि. ७ फेब्रुवारी २०२१ रविवार रोजी लाड शाखीय वाणी समाजाच्या नुतन मंगल कार्यालयाचे उद्घाटन महाराष्ट्र वाणी युवा मंचचे प्रदेशाध्यक्ष राजेंद्र पाचपुते यांचे हस्ते व तळोदा येथील भाजपाचे महाराष्ट्र प्रदेश कार्यकारिणी सदस्य शशिकांत वाणी यांचे अध्यक्षतेखाली करण्यात आले.
कार्यक्रमाला प्रमुख अतिथी म्हणून धुळे म.न.पा.चे नगरसेवक अनिल नागमोती, दिगंबर सोनजे, सतिष बहाळकर, नाशिक येथील महानगर पालिका सहाय्यक आयुक्त विवेक धांडे व ॲड. राजेंद्र येवले हे उपस्थित होते. कार्यक्रमाची सुरूवात समाजातील विद्यार्थ्यांनींनी ईशस्तवन व स्वागत गीताने केली. प्रमुख अतिथींचा परिचय प्रणिता येवले, वैशाली पितृभक्त, प्रशांत मुसळे, रूपेश अमृतकर यांनी केला. मान्यवरांच्या हस्ते दिप प्रज्वलन व प्रतिमा पुजन करून नुतन मंगल कार्यालयाचे उद्घाटन करण्यात आले. कार्यक्रमाचे उद्घाटक,प्रमुख अतिथी व अध्यक्षीय भाषणात समाजास बहुमोल असे मार्गदर्शन केले व समाजाचे अभिनंदन करून संचालक मंडळाच्या कार्याचे कौतुक केले. समाजातील बंधू-भगिनींनी आपल्या मनोगतातून मंडळाचे कार्याचा गौरव केला. कार्यक्रमाचे सूत्रसंचालन चंद्रशेखर मुसळे यांनी केले. प्रास्ताविक सचिव सुधाकर येवले यांनी केले. कार्यक्रम यशस्वीतेसाठी उपाध्यक्ष संजय मालपुरे, सुधाकर येवले, चंद्रशेखर मुसळे, प्रशांत केले, नगरसेवक ललित येवले, मुकुंद बागड, प्रविण कुडे, सुधिर पितृभक्त, अनिल मेने, पद्माकर येवले, किशोर मुसळे, अविनाश मालपुरे, विशाल अमृतकर,महिला मंडळ अध्यक्ष कल्पना प्रशांत मुसळे, समाजातील जेष्ठ, युवक समाज बांधव, महिला भगिनींनी परिश्रम घेतले. किरण वाणी यांनी सर्वांचे आभार मानले.
