गाझियाबाद (वृत्तसंस्था) एका वृद्ध व्यक्तीने एका मुक्या प्राण्यासोबत जे कृत्य केलंय ते ऐकून तुमचं हृदय हेलावून जाईल आणि तुम्हाला अस्वस्थ करेल. एका ६० वर्षीय वृद्धानं माणुसकीच्या सर्व मर्यादा ओलांडत कुत्र्यासोबत घृणास्पद काम केलं आहे. कुत्र्यावर बलात्कार करताना या वृद्धाच्या सुनेनं हा व्हिडीओ आपल्या मोबाईल कॅमेऱ्यात रेकॉर्ड केला आहे. या घटनेचा व्हिडीओ व्हायरल झाल्यानंतर पोलिसांनी या नराधम व्यक्तीला अटक केली आहे.
मिळालेल्या माहितीनुसार, उत्तर प्रदेशच्या गाझियाबादमधील वसुंधरा भागात एक ६० वर्षाच्या व्यक्ती कुत्र्यावर बलात्कार करत होता. तेव्हा त्याच्या सुनेने या घटनेचा व्हिडीओ शूट केला. सून त्याचा व्हिडीओ शूट करत असल्याचे त्याचे लक्षात आले, त्याने तत्काळ सुनेकडे धाव घेतली आणि मोबाईल हिसकावण्याचा प्रयत्न केला. परंतु सुनेने मोबाईल देण्यास नकार दिला. आरोपी व्यक्तीने सुनेला मारहाणही केली. परंतु सुनेने काही ऐकले नाही.
यानंतर सुनेने पीपल फॉर अॅनिमल (People For Animal – PFA) या पशुप्रेमी आणि संरक्षक संस्थेशी संपर्क साधला. सासऱ्याच्या कृष्णकृत्यांचा पाढा सुनेने या संस्थेच्या सदस्यांपुढे वाचला. त्यानंतर पशुप्रेमी संस्थेच्या टीमने पुढील सूत्रं हाती घेतली. पोलिसांनी ६० वर्षीय आरोपीला अटक करुन त्याची रवानगी तुरुंगात केली आहे. वृद्धाने यापूर्वीही अशाप्रकारचे कृत्य केल्याचा दावा स्थानिक रहिवाशांनी केला आहे.
या प्रकरणी पोलीस अधीक्षक ज्ञानेंद्र कुमार सिंह यांनी सांगितले की, व्हिडीओवरुन केलेल्या तक्रारीच्या आधारे आरोपीला अटक करण्यात आली आहे. त्याला तुरुंगात पाठवण्यात आले आहे. आरोपी वृद्धावर भादंवि कलम ३७७ अन्वये गुन्हा दाखल करण्यात आला आहे.
