जळगाव (प्रतिनिधी) शहरातील एका नामांकीत महाविद्यालयात शिक्षण घेत असलेल्या विद्यार्थ्याने महाविद्यालयातील विद्यार्थ्यांच्या ग्रुपमध्ये अश्लिल फोटो व्हायरल केले. त्यामुळे संतप्त झालेल्या विद्यार्थ्यांनी त्या तरुणासह त्याच्या दोन मित्रांना चोप दिल्याची घटना शनिवारी दुपारच्या सुमारास घडली. या घटनेमुळे महाविद्यालयात एकच गोंधळ निर्माण झाला होता.
शहरातील एका नामांकित महाविद्यालयात गेल्या दोन ते तीन दिवसांपासून वार्षीक स्नेहसंमेलन सुरु आहे. आज या स्नेहसंमलेनाचा पारितोषीक वितरण समारंभ पार पडला. यावेळी महाविद्यालयात शिक्षण घेणाऱ्या विद्यार्थ्यान महाविद्यातीयाल विद्यार्थ्यांसह विद्यार्थीनी असलेल्या व्हॉट्सअप ग्रुपमध्ये तरुणींचे अश्लिल फोटो व्हायरल केले. हा प्रकार विद्यार्थ्यांच्या लक्षात येताच विद्यार्थ्यांनी त्या तरुणाला पकडून त्याला बेदम मारहाण केली. दरम्यान, त्या विद्यार्थ्याला मारहाण होत असल्याने त्याच्या मित्रांनी तेथून पळवून लावले. त्यामुळे त्या दोघांना देखील विद्यार्थ्यांनी मारहाण केली. पारितोषीक समारंभात अचानक हाणामारी झाल्याने गोंधळ निर्माण झाला होता.
पोलिसांनी घेतले तरुणाला ताब्यात !
ही घटना तेथे बंदोबस्तासाठी असलेल्या रामानंद नगर पोलिसांच्या लक्षात येताच, त्यांनी मारहाण होत असलेल्या विद्यार्थ्यांना ताब्यात घेतले. दरम्यान, त्या विद्यार्थ्याने आपला मोबाईल हॅक झाला असून त्यामुळे ते फोटो ग्रुपमध्ये व्हायरल झाल्याचे पोलिसांना सांगितले. याप्रकरणी पोलिसात रात्री उशिरापर्यंत कुठलीही नोंद करण्यात आली नव्हती.
अचानक गोंधळ झाल्याने तणाव !
अश्लिल फोटो व्हायरल झाल्याचे कळताच संतप्त झालेल्या विद्यार्थ्यांनी त्या तरुणाला मारहाण करण्यास सुरुवात केली. त्यामुळे स्नेहसंमेलनात गोंधळाचे वातावरण निर्माण झाले होते. परंतू वेळीच पोलिसांनी त्या तरुणाला ताब्यात घेत त्याची विद्यार्थ्यांमधून सुटका केली. यावेळी महाविद्यालया तणावाचे वातावरण निर्माण झाले होते.
