मुक्ताईनगर (प्रतिनिधी) तालुक्यातील एका २० वर्षीय तरुणीवर अत्याचार करून लग्न न केल्यास व्हिडीओ व्हायरल करण्याची धमकी दिल्याची धक्कादायक घटना उघडकीस आली आहे. याप्रकरणी मुक्ताईनगर पोलिसात दोन जणांविरोधात गुन्हा दाखल करण्यात आला आहे.
मुक्ताईनगर तालुक्यातील एका गावात २० वर्षीय तरुणी आपल्या परिवारासह वास्तव्यास आहे. जून महिन्यात एकेदिवशी तरुणी घरी जात असतांना तिला रस्त्यात गाठत फारुख सुलतान पठाण (वय २३) याने जबरीने ओढून नेत मारहाण करत आई, वडील, भाऊ यांना जीवे ठार मारण्याची धमकी देत राहत्या घरी नेले. याठिकाणी फारुखने पिडीतेवर अत्याचार करीत त्याचा व्हिडीओ बनविला.
साधारण २०/२५ दिवसांनी पुन्हा पिडीत तरुणीवर पुन्हा एकदा फारुखने धमकी देत अत्याचार केला. तसेच लग्नासाठी जबरदस्ती केली. पिडीत तरुणीने लग्नास नकार दिल्याने फारुखने मोबाईलमध्ये केलेले व्हिडीओ व्हायरल करण्याची व आई,वडील, भाऊ यांना दाखवण्याची धमकी दिली. तसेच त्याच्या लहान भाऊने पिडीतेच्या चुलत लहन भाऊ, आतेभाऊ यांना मारहाण केली. याप्रकरणी गुन्हा दाखल करण्यात आला असून पुढील तपास पोलीस उपनिरीक्षक संदीप चेडे हे करीत आहेत. या प्रकरणी पोलिसांनी फारुख पठाण याला अटक केली आहे.
