जळगाव (प्रतिनिधी) जळगाव व्हेंटीलेटर गैरव्यवहार प्रकरणात आता आरोग्याधिकाऱ्यांची चौकशी करण्यात आली आहे. यात जिल्हा परिषदेचे जिल्हा आरोग्याधिकारी डॉ.बी.टी.जमादार, अतिरिक्त जिल्हा आरोग्य अधिकारी डॉ. दिलीप शंकरराव पाटोळे व प्रभारी जिल्हा आरोग्य अधिकारी डॉ. प्रमोद पांढरे यांची जिल्हा पेठ पोलिसांनी जबाब नोंदविला आहे.
गेल्या आठवड्यात तत्कालीन जिल्हा शल्यचिकित्सक डॉ.एन.एस. चव्हाण यांचीही चौकशी झाली होती. मूळ तक्रारदार दिनेश भोळे यांनी न्यायालयात तक्रार दाखल केली होती. त्यानुसार न्यायालयाने चौकशीचे आदेश जिल्हा पेठ पोलिसांना दिले आहेत. सहायक पोलीस निरीक्षक किशोर पवार हे या प्रकरणाचे चौकशी अधिकारी आहेत. कोरोना काळात व्हेंटीलेटर खरेदी प्रकरणात भ्रष्टाचाराचा आरोप करण्यात आला होता.
