अकोला (प्रतिनिधी) सन २०१५ मध्ये व्यवसायिकाच्या खून प्रकरणात जन्मठेपची शिक्षा सुनावलेला आरोपी जसवंतसिंग उर्फ जस्सीला हा पॅरोलवर बाहेर आल्यापासून मागील तीन वर्षापासून फरार होता. अकोला एलसीबीच्या पथकाने मोठ्या शिताफीने मध्यप्रदेशातून त्याला अटक केली आहे.
या संदर्भात अधिक असे की, सन २०१५ मध्ये ग्राम हिंगणा शिवारात रंजीतसिंग गुलाबसिंग चुंगडे याने त्याचा साथीदार जसवंतसिंग उर्फ जस्सी उदयसिंग चौहान याच्यासोबत मिळून अकोल्यातील व्यवसायिक किशोर खत्री यांची निर्घुन हत्या केली होती. त्याबाबत पोलीस स्टेशन जुने शहर येथे अपराध क्र. १६९/२०१५ कलम ३०२, २०१, ३४ भा. दं. वि. सहकलम ३, २५ आर्म अॅक्ट अन्वये गुन्हा दाखल होता. सदर हत्या कांडातील आरोपी यांना मा. जिल्हा सत्र न्यायालय अकोला यांनी दि. २७ सप्टेंबर २०१८ रोजी दुहेरी जन्मठेपेची शिक्षा सुनावली होती. सदर शिक्षा भोगत असताना कोवीड संसर्गजन्य रोगाचे साथी दरम्यान सण २०२० मध्ये कैदी जसवंतसिंग उर्फ जस्सी उदयसिंग चौव्हान हा पॅरोल रजेवर जिल्हा कारागृहातुन सुटुन आला होता. त्यानंतर तो कारागृहात परत गेला नाही. दि. २९ जुलै २०२० पासून तो फरार होता. त्यामुळे त्याचे विरुध्द पोलीस स्टेशन जुने शहर अकोला येथे अप क्र. २७३ / २०२० कलम २२४ भा. दं. वि. प्रमाणे गुन्हा नोंद करून त्याचा शोध सुरू होता.
सदर प्रकरणात मा. उच्च न्यायालय खंडपीठ नागपुर यांनी जिल्हा पोलीस अधिक्षक अकोला यांना फरार कैदी जसवंतसिंग उर्फ जस्सी उदयसिंग चौव्हान याचा विशेष पथक स्थापन करून शोध घेण्याबाबत व त्यासाठी काय प्रयत्न केले याबाबत अहवाल मागितलेला होता. त्या अनुषंगाने मा. पोलीस अधिक्षक संदीप घुगे यांनी पो. नि. शंकर शेळके स्थानिक गुन्हे शाखा अकोला यांना फरार कैदी जसवंतसिंग उर्फ जस्सी उदयसिंग चौव्हान याचा शोध घेण्याबाबत सुचना दिल्या होत्या. त्यानुसार पो. नि. शंकर शेळके यांनी स्थानिक गुन्हे शाखा अकोला येथील अधिकारी स. पो. नि. कैलास भगत व पो.उप.नि. गोपाल जाधव तसेच सायबर सेल मधील अंमलदार आशिष आमले, राहुल गायकवाड यांना अत्यंत गोपनिय पध्दतीने गुप्त बातमीदार नेमण व तांत्रीक विश्लेषन करण्याबाबत सुचना दिल्या होत्या.
मागील दोन महिन्यापासून अकोला एलीसीबीचे पथकाने फरार कैदी जसवंतसिंग उर्फ जस्सी उदयसिंग चौव्हान याचा हालचाली बाबत माहिती घेवुन पाठपुरावा सुरू केला होता. याबाबत वेळोवेळी पोलीस अधिक्षक संदिप घुगे यांना प्रगती अहवाल देण्यात येत होता. फरार कैदी जसवंतसिंग उर्फ जस्सी हा पोलीस खात्यात नौकरीवर असल्याने त्याला कायदयाची पुर्ण माहिती असल्याने फरार राहण्याबाबतची योग्य ती दक्षता तो घेत होता. म्हणुनच त्याला पकडणे हे पोलसांन समोर एक आव्हान होते.
दि. १९ ऑक्टोबर २०२३ रोजी पो. नि. शंकर शेळके यांना गोपनिय बातमीदाराकडुन खात्रीलायक बातमी मिळाली कि, पॅरोल रजेवरून फरार कैदी जसवंतसिंग उर्फ जस्सी हा मध्यप्रदेश येथील बु-हानपुर, मध्यप्रदेश येथे लपून बसला असल्याची माहिती मिळाली. पो. नि. शेळके यांनी तात्काळ पोलीस अधिक्षक संदिप घुगे यांच्या मार्गदर्शन व परवानगीने पो.उप.नि. गोपाल जाधव यांचा नेतृत्वात एक पथक बु-हानपुर मध्ये प्रदेश येथे रवाना केले. तेथे पोहचुन योग्य ती दक्षता घेवुन सापळा रचुन न्यामतपुरा, बु-हानपुर भागातुन फरार कैदी जसवंतसिंग उर्फ जस्सी उदयसिंग चौव्हान यास ताब्यात घेण्यात आले. व त्यास पुढील कारवाई करिता पो.स्टे. जुने शहर अकोला आले यांच्या ताब्यात देण्यात आले.
सदरची कार्यवाही ही पोलीस अधिक्षक संदिप घुगे, अपर पोलीस अधिक्षक अभय डोंगरे, यांच्या मार्गदर्शनाखाली स्थानिक गुन्हे शाखेचे वरिष्ठ पो. नि. शंकर शेळके, स. पो. नि. कैलास भगत, पो.उप.नि. गोपाल जाधव, पोलीस अंमलदार उमेश पराये, खुशाल नेमाडे, धिरज वानखेडे, अभिषेक पाठक, मोहम्मद आमीर, राहुल गायकवाड व चालक प्रशांत कमलाकर व सायबर सेल येथिल पो.शि. आशिष आमले यांनी ही कारवाई केली. सदर कारवाई साठी पथकातील कर्मचा-यांना पो. स्टे. मुक्ताईनगर येथील पोलीस अंमलदार रविंद्र चौधरी यांनी आवश्यक ते सहकार्य केले.
