जुन्नर (वृत्तसंस्था) नगर-कल्याण महामार्गावर रात्रीच्या अंधारात पिकअप जीपने दोन दुचाकींना धडक दिली. यात ८ जण चिरडले गेले. यापैकी दोघांचा जागीच मृत्यू झाला तर तिघांचा रुग्णालयात नेण्याआधी मृत्यू झाला. इतर तिघे गंभीर जखमी आहेत. मृतांमध्ये २ चिमुकल्यांचाही समावेश आहे.
नगर-कल्याण महामार्गावर लवणवाडीत येथे हा भीषण अपघात झाला आहे. रात्रीच्या अंधारात भरधाव पिकअप जीपने दोन दुचाकीना उडवले. या अपघातात आठ जण चिरडले गेले. तीनही वाहने समोरासमोर धडकली. यातील 5 जणांचा मृत्यू झाला आहे. यापैकी दोघांचा जागीच मृत्यू झाला तर तिघांचा रुग्णालयात नेण्याआधी मृत्यू झाला. इतर तिघे गंभीर जखमी आहेत. मृतांमध्ये दोन चिमुकल्यांसह २ पुरुष आणि एका महिलेचा समावेश आहे. दरम्यान, मृतांची नावे अद्याप समोर आलेली नाहीत.
